BEGROOT VIR JUL BABA
Beplan jou begroting al vroeg in jou swangerskap en voorkom so dat baba-uitgawes jou sak te veel ruk.
Babas is nie goedkoop nie en elke gesin se begroting en behoeftes verskil. Gebruik dié gids as ’n riglyn vir gemiddelde uitgawes tydens jou swangerskap, die bevalling en jou kleinding se eerste maand of twee tuis.
Hoe het ons die pryse bereken? In die geval van mediese uitgawes het ons minstens drie diensverskaffers geraadpleeg. Die prys van ander produkte is by minstens drie of vier verskaffers vergelyk, waaronder ’n algemene aanlynwinkel, aanlyn-babawinkel, baba-kettingwinkel, apteekgroep, gewilde kettingwinkels, aanlyn-kraamdragwinkels en boetiek-babawinkels.