WAT HET JOU kleinding nodig?
Hier is ons lysie van alles wat jy vir jou nuwe baba se nessie nodig sal kry.
Die oomblik wanneer jy daai hartkloppie op die skerm sien, is die versoeking groot om dadelik winkels toe te draf. Maar wag! Hoewel daar wel dinge is wat jy voor jou baba se geboorte moet aanskaf, kan ander items gerus tot later wag.
Jy sal ook vind dat ’n handelsmerk of produk wat vir iemand anders goed werk, nie noodwendig vir jou of jou kleinding gepas is nie. Moet dus nie oorhaastig koop nie!
Onthou dat jy sommige dinge op ons lysie dalk reeds het, soos ’n stoel waarin jy gemaklik kan borsvoed, of ’n asblik wat behoorlik geseël kan word. Oor ander kan jy self besluit – soos ’n borsvoedkussing – maar neem gerus ons lys saam wanneer jy die winkels aandurf!
BABAKAMER • Kot • Kot-kantbuffers • Lugdeurlatende matras •Matrasoortreksel s • Wollerige komberse vir die winter, ligte lugdeurlatende komberse vir die somer, toedraai kombersies of’ n slaapsakkie. Koop eers genoeg vir die seisoen waarin jou baba gebore word. Skaf ná jou baba se geboorte ander soorte aan. • Slaapwig • Lamp (nie te helder nie, of
met verdofskakelaar) • Borsvoedingstoel • Voedingskussing • Speelgoedmandjie. Jou pasgeborene gaan aanvanklik nie baie speelgoed nodig hê nie; jy kan dit dus eers ná die geboorte koop. • Doekruilstasie • Doekruilmatras •Doek ruil matrasoortreksel • Bewertjie wat bo die doekruilstasie hang om baba besig te hou. • Houertjie vir watte
• Horlosie om voedingstye
dop te hou • Wasgoedmandjie • Asdrom wat dig toemaak • Witgeraas om baba rustig
te hou. • Bevogtiger • Asemhalings- en bewe
gingsmonitor
BADTYD • Bababad • Badspeelgoed. Jou pasgeborene gaan nie nou al met badspeelgoed speel nie. Koop dit eers later. • Badsitplek • Babahanddoek • Waslappe
KLERE • Frokkies (minstens 6) • Groeipakkies (minstens 6) • Borslappe. As jou baba nie te veel spoeg nie, sal jy borslappe eers nodig kry wanneer jou woelwater begin eet.
UITSTAPPIES • Stootwaentjie • Motorstoeltjie • Kampkot. Die kampkot is nie net vir uitstappies bedoel nie, maar gaan in die eerste maand of twee heel moontlik in jul kamer staan. Dit is makliker om baba naby jou te hê wanneer jy moet voed. • Draband of -sak • Doekesak
VOEDING • Bottels. As jy beplan om te borsvoed is dit nie nodig om voor baba se geboorte bottels te koop nie. • Bottelborsels en speenborsel. Koop dit eers wanneer jy bottels koop. • Steriliseerder • Fopspene • Borspomp. Dis nie nodig om dit voor baba se geboorte te koop nie, want jy gaan dit waarskynlik eers nodig hê wanneer jy terug werk toe keer. • Borsdoekies • Eetstoeltjie. Jou baba gaan teen omtrent ses maande eers vaste kos begin eet. Jy kan die stoeltjie eers ná baba se geboorte kry.
NOODSAAKLIKHEDE • Spoegdoeke • Doeke. Koop vir eers net doeke geskik vir jou pasgeborene. Jou baba kan dalk allergies vir ’n sekere handelsmerk wees. Jy sal eers weet as jy dit beproef het. • Geparfumeerde sakkies vir
vuil doeke • Vogdoekies • Naelknipper of - skêrtjie • Watte • Bababorsel • Babaroom • Babawasmiddel • Ontsmettingsalkohol • Petroleumjellie • Medisyne. Koop dit eers wanneer jy dit nodig het. Babas behoort in elk geval nie voor drie maande oud medisyne te kry nie. • Muskietweerder wat veilig is
vir babas, of ’n muskietnet • Speelmat met speel
goedbalk