INENTING: DIT SPEEL OOK KLAAR MET SUPERKIEME!
Die onlangse uitbreek van masels in Gauteng en die Wes-Kaap is toegeskryf aan ouers se huiwerigheid om hul kinders te laat inent. Kundiges waarsku dat dit nie net lewensgevaarlike siektes kan laat posvat nie, maar ook antibiotikaweerstandige superkieme kan laat toeneem. Kieme word weerstandig wanneer antibiotika die vermoë verloor het om hulle dood te maak of te onderdruk. Immunisering kan siektes verminder en selfs heeltemal uitwis, wat weer die behoefte aan antibiotika laat afneem. Doen dus jou deel en laat ent jou kinders in!