BOOMPIES VIR DIE KERSBOOM

JY HET NODIG

• lang roomysstokkies • gom • gekleurde viltpenne • versierings soos tossels, klokkies, gekleurde tou, goue en silwer pypskoonmakers en goue en silwer sterretjies • dun tou • bruinpapier, in reghoeke gesny om boomstamme te vorm

GAAN SO TE WERK

1. Plak die stokkies in driehoekvorms. 2. Kleur dit in of los dit die oorspronklike houtkleur. 3. Versier dit na hartelus met die tou, tossels en klokkies. Versier net een kant of albei kante. Gebruik ons voorbeelde as inspirasie. 4. Plak die bruinpapier-stamme onderaan vas. 5. Knoop ’n toutjie bo vas of plak dit met gom vas waar die stokkies ontmoet.