MEDIESE UITGAWES
PRIVAAT GINEKOLOOG
• Doktersbesoeke tydens swangerskap: tussen R15 260 en R17 440 •Dokters se konsultasie tarief verskil en die bedrag wa tjou mediese skema dek, hang van jou spaarplan af. Ons het drie ginekoloë in privaat praktyk geraadpleeg. ’n Eerste konsultasie kos gemiddeld R 1068 en opvolg konsultasies R 708. Een dokter wat ons geraadpleeg het, se konsultasietarief is R 2200. Verwag afsprake elke vier weke in die eerste 30 weke van jou swangerskap; daarna elke drie weke en dan elke sewe tot 10 dae namate die kraamdatum nader kruip. Jou dokter sal minstens drie skanderings doen teen sowat R2 768 (eerste trimester) en R2 441 (tweede en derde trimester). • BEVALLING Normale bevalling: R7 420 tot R16 350 Keisersnee: R8 720 tot R21 800
PRIVAAT NARKOTISEUR
• Koste van epidurale verdowing tydens die bevalling: R4 687 tot R6 213 • Elke dokter bepaal sy eie prys. Pasiënte word aangeraai om by hul ginekoloog uit te vind saam met watter narkotiseur hulle werk en vooraf ’n kosteberaming te vra. • Die koste van epidurale verdowing hang daarvan af of dit ’n beplande (goedkoper) of onbeplande prosedure is, wat die duur van die prosedure is en of daar komplikasies is.
PRIVAAT VROEDVROU
• Gemiddelde koste van dienste deur die loop van jou swangerskap en ’n tuisgeboorte: R19 747 • Gemiddelde koste van dienste deur die loop van jou swangerskap en ’n hospitaal geboorte: R 10987 Aanvanklike konsultasie R523; gemiddeld agt tot 10 opvolg konsultasies tussen R 327 e nR 414 elk Bystand by ’n natuurlike hospitaalgeboorte kos R5 777 tot R8 502. Begroot R7 957 tot R11 336 vir bystand by ’n natuurlike tuisgeboorte. Konsultasies ná die geboorte kos sowat R360.
PRIVAAT PEDIATER
• Sowat R1 300 vir ’n ondersoek net ná die geboorte en drie opvolgbesoeke in die hospitaal • Sowat R926 vir baba se sesweke
ondersoek
INENTINGS
• Baba se eerste inenting (poliodruppels en BCG) is gratis en word ná geboorte in die hospitaal afgehandel. • Inentings op ses, 10 en 14 weke kos
sowat R1 853 per keer.
PRIVAAT BABAKLINIEK
• ’n Mens kan jou baba in sommige gevalle op 10 dae gratis laat weeg. • Opvolgbesoeke kos sowat R92.
HOSPITAAL UITGAWES TYDENS BEVALLING
PRIVAAT HOSPITAAL Ons het die kostes vergelyk van drie hospitale wat elk tot ’n ander hospitaalgroep behoort. Mediese skemas dek meestal verblyf in algemene sale ten volle. Bykomende kostes, soos dié van ’n privaat kamer, word gewoonlik nie gedek nie ( kyk na die tabel regs).
STAATSHOSPITAAL Swangerskap en geboorte is gratis in staatshospitale, behalwe vir pasiënte wat tot ’n mediese skema behoort – dan is dit R9 650 vir ‘n keisersnee en R7 104 vir ’n natuurlike geboorte, saal- en ander tariewe uitgesluit. Kinders onder ses jaar word gratis behandel.
MEDIESE SKEMA
Om jou baba by jou mediese spaarplan te voeg, kos tussen R708 en R1 090 per maand, afhangend van jou plan. Dekking in die eerste drie maande ná geboorte is in sommige gevalle gratis.
STAMSELBERGING
• Dit kos sowat R24 500 om stamselbloed en -weefsel vir 10 jaar te berg en R27 500 vir 20 jaar (alle kostes ingesluit). •Een van die stam sel bergingsgeriewe wat inligting aan ons verskaf het, bied afbetaalplanne, wat jou van omtrent R312 per maand kan kos. • Sommige mediese skemas bied afslag
vir stamselberging.