KRY JOU BABA SO AAN DIE BEWEEG

Die vroedvrou en geboortekenner Tina Otte sê dis belangrik om te onthou dat jou baba se bewegings sy ontwikkelende karakter en persoonlikheid weerspieël. Dalk is hy ’n koel komkommer – of dalk ’n brandrissie!

Doen die volgende oefening as jy bekommerd is dat jy niks voel nie: Sit tjoepstil en plaas jou hande op jou maag. Haal so diep asem as wat jy kan. Jy sal voel hoe jou maag uitsit terwyl jy jou asem stadig intrek. Asem dan stadig deur jou neus uit terwyl jy jou maag voel sak. Herhaal dit vier of ses keer, selfs meer. Dit gee jou baba ’n suurstofinspuiting wat hom aan die skop behoort te kry.