Kraam met fokus
• Maak seker jy bly goed gehidreer en vermy ’n leë maag terwyl jy kraam. Drink klein slukkies water in die loop van die bevalling en peusel aan hoëenergiekos.
• Aanraking terwyl jy kraam is ’n uitstekende metode van natuurlike pynverligting. Dit sluit dinge in soos ’n strelende massering, koue en warm kompresse en kontradruk.
• Eksperimenteer met verskeie posisies en inkorporeer dans en joga of wieg heen en weer om jou baba te help om in die geboortekanaal af te sak.
• Praat- sing of maak kreungeluide om energie vry te stel. In sommige kulture word vroue in kraam ontmoedig om geluide te maak, maar onthou dat wanneer jy gil jy buitentoe druk, wat die proses aanhelp.
• Oorweeg water as ’n pynverligter. Vroue gebruik dit reeds duisende jare lank om kraampyne te verlig. As jy in ’n bad warm water ontspan, het swaartekrag geen uitwerking nie, is daar minder sensoriese stimulasie en is jy minder geneig om streshormone af te skei. Dit moedig jou lyf aan om endorfiene af te skei, wat pyn help onderdruk.
• Musiek kan ’n doeltreffende wapen teen kraampyn wees en baie studies het dit reeds bevestig. Musiekritmes kan jou óf kalmeer, óf jou energievlakke opstoot wanneer jy dit nodig het. Navorsing wys ma’s wat na musiek luister terwyl hulle kraam, is kalmer en meer in voeling met hul kontraksies.