EK’S RAADOP!

Baba & Kleuter - - JOU PEUTER -

SY BLY UIT DIE KOT KLIM

Bly ferm en neem haar keer op keer terug kot toe – geen uit­son­de­rings nie. Jy kan by haar in die ka­mer sit en was­goed op­vou of vir haar ’n sto­rie lees tot sy aan die slaap raak. Hou da­de­lik op met lees as sy uit­klim en sit haar ferm terug. En skuif die stoel waar­op jy sit ge­lei­de­lik ver­der van die kot af tot jy la­ter bui­te in die gang is. So leer sy om son­der jou aan die slaap te raak.

SY’S MOEG, MAAR SKOP VAS

Ont­hou dat jou kind se slaap­be­hoef­tes kan wis­sel na ge­lang van groei­ver­snel­lings of haar daag­lik­se ak­ti­wi­tei­te. Pro­beer dus haar ge­drag lees so­dat jy haar in die bed sit voor sy oor­moeg is. Te­kens dat jou peu­ter­tjie moeg is, sluit in dat sy lom­per as ge­woon­lik voor­kom, meer tyd no­dig het om ta­ke te vol­tooi, of hui­le­rig en prik­kel­baar raak.

As sy vroe­ër in die og­gend ge­slaap het maar die mid­dag vas­skop teen haar sla­pie, kan jy haar aan­moe­dig om lie­wer ’n rus­ti­ge tyd te ge­niet. Sy hoef nie te slaap nie, maar moet net rus­tig boe­kies lees of na mu­siek luis­ter. As sy dan aan die slaap raak, sal jy slaap­tyd die aand ’n bie­tjie la­ter moet maak, maar as sy nie weer slaap nie, kan jy slaap­tyd tot so ses­uur ver­vroeg so­dat sy nie so lank aan­me­kaar hoef wak­ker te wees nie.

SY WIL NIE AL­LEEN WEES NIE

Soms is dit bloot ma­ni­pu­la­sie, maar dit kan ook wees dat jou peu­ter­tjie skei­ding­sangs het, ver­al as jul­le on­langs groot ver­an­de­rin­ge as ge­sin be­leef het wat haar on­se­ker laat voel. Skei­ding­sangs is iets wat jy in jou peu­ter se wak­ker tye moet han­teer so­dat sy in haar daag­lik­se roe­ti­ne veilig voel en ge­mak­lik daar­mee raak as jy soms van haar af weg is. Vol­doen­de een-tot-een-aan­dag en baie fi­sie­ke aan­ra­king kan hier baie help, as­ook ’n troos­voor­werp: “Mam­ma is net hier langs­aan, maar Ted­die gaan so ’n bie­tjie by jou lê en dan kan jul­le lek­ker slaap tot ek jou nou-nou kom uit­haal. As jy nou soet slaap, kan ek en jy ’n ent­jie gaan stap.”

SY BLY TE LAAT WAK­KER

Soms suk­kel ’n mens lank om jou klein­ding se oë te laat toe­val en as sy uit­ein­de­lik aan die slaap raak, slaap sy ure aan­een – en dan is sy na­tuur­lik ’n wak­ker ak­ker as dit tyd vir aand­slaap­tyd is! Die mees­te peuters is iet­wat knor­rig as jy hul­le wak­ker maak ty­dens ’n sla­pie, maar jy moet dit doen as jou kind la­ter as vier­uur nog slaap.

’n Goeie i­dee is om haar sub­tiel te laat wak­ker word. Stel by­voor­beeld die mu­siek har­der of gaan haar ka­mer bin­ne en laat die kas­deur ’n bie­tjie raas. Wees dan baie bly om haar te sien as sy haar o­gies oop­maak!

SY SLAAP NET BY DIE OPPASSER

Ferm gren­se is no­dig, en on­ge­luk­kig is op­pas­sers dik­wels meer doel­tref­fend as ma en pa – peuters werk gou uit met wie hul­le kan­se kan waag!

Moe­nie ont­steld of angs­tig raak om­dat jou kind nie wil slaap nie – sy voel dit aan en dit keer dat sy rus­tig raak. Bly rus­tig en kalm, maar ferm. Vra jou oppasser hoe sy dit han­teer en doen die­self­de.

Newspapers in Afrikaans

Newspapers from South Africa

© PressReader. All rights reserved.