KRAAM
Jy kan enige tyd van 37 weke af begin kraam. ’n Baba wat voor 37 weke gebore word, word as vroeg beskou, en ná 40 weke is jy “oor jou tyd”.
Tot en met agt maande kan jou afsprake met jou dokter of vroedvrou elke twee tot drie weke plaasvind. Daarna gaan jy elke week dokter toe om algemene komplikasies soos preëklampsie te voorkom.
In die laaste paar weke pas jou hormone aan om jou liggaam voor te berei vir die geboorte en jou borste vir voeding. Jou baba is volledig ontwikkel, maar sy lewensorgane groei en ontwikkel steeds
Alles wat jy in die laaste maande van jou swangerskap moet doen om jou vir jou baba – en moederskap – gereed te maak. om oorlewing te verseker. Al haal jou baba nog nie asem nie, wys sy longetjies asemhalingsbewegings.
Jou baba help self om veranderings in die vrugwater te bewerkstellig deur dit te sluk en dan weer uit te piepie. Sy brein ontwikkel aanvanklik verskriklik vinnig, met nuwe sinapse en senuselle wat gevorm word. Dan vind ’n wegsnoeiproses plaas waartydens alle onnodige selle verwyder word. Wanneer jou baba gebore word, is sy brein toegerus met al die belangrikste senuselle.
• Leer oor borsvoeding in
en by voorgeboorteklasse. • Koop solank ’n voorraad weggooidoeke, vogdoekies, doeksakkies en borskussinkies.
• Bespreek pynverligtingopsies met
jou dokter of vroedvrou.
• Doen ontspannings- en asem
halingsoefeninge.
• Pak jou hospitaalsak.
• Kry die babakamer reg.
• Bespreek jou geboorte- opsies met
jou dokter of vroedvrou.
• Doen voorgeboorte- oefeninge wat jou baba sal help om in die regte posisie te kom: kop na onder in die rigting van die geboortekanaal. • Fokus op jou liggaamshouding en
probeer regop loop.
• Jy kan dalk sukkel om te slaap.
Pak kussings om jou lyf en onder jou bene.
• Die toilet sal moontlik die eerste plek wees wat jy soek wanneer jy uitgaan.
• Laat jou dokter weet as jy enigiets
ongewoons ervaar.
• Koop solank ’n voorraad niebederfbare kruideniersware, bevrore maaltye en versnaperings.
• Gaan elke week dokter toe.
• Maak seker jy voel jou baba elke
dag beweeg.
• Bel jou dokter as jy bekommerd is –
moenie kanse waag nie.
• Stel ’n doenlysie vir jou en jou
maat op.
• Jy gaan nie baie tyd vir jouself hê ná jou baba se geboorte nie, bederf jou dus nou met ’n haarsny, manikuur en ’n wasbehandeling voor dit te laat is.