DEURNAGDRAMAS
Ek is gaande oor Baba & Kleuter
tydskrif! Baie dankie vir al die harde werk wat dit moet kos om keer op keer so ’n oulike tydskrif uit te gee!
Ek wil graag hierdie storie oor middernagtelike wakkerblysessies wat met mamma wees gepaardgaan, met julle deel.
Wie is tans saam met my wakker? As jy ’n mamma is (of selfs soon
to be, want daai klein lyfie bons behoorlik op jou blaas hier teen die einde) is die kans goed dat jy die een of ander tyd in die nag op is.
Of dit nou borsvoeding of bottelvoeding is, piepies en sopnat bednatmaakwant- die- doek het- gelek, die gewone nommer twees se doekruil of die buitengewone projektiele oepsies en waterkaskenades (ons het een keer die fout gemaak om toe te laat dat ouboet heeltemal te veel olywe eet en het die gevolge daarvan behoorlik gedrá!).
Of dit tandekry, koors of wakker hoes, snotneusies of selfs nagangstigheid is – van middernagtelike wakkerwees- sessies weet ons mammas alles. Vanaand is ek weer on the clock. My boetiebaba drink elke twee uur. Gulsige knapie, dié.
Ek het vanaand gelukkig die kans gekry om vroeg in die bed te kruip, dus kon ek darem ’n voornagslapie inkry! Maar wee o wee, môre voel dit maar weer of ek in die twilight zone
rondsweef, al hoogtrappende met ’n wollerigheid in my kop.
In elk geval, medemamma, dit sal ook verby gaan. Vasbyt en sterk wees. Maak daardie tweede koppie oggendkoffie (in my geval is dit nader aan ’n blokkie fudge, al is dit agtuur soggens).
Mamma, jou opofferings en min slaap word raakgesien. En ons gaan anderkant uitkom. En op die ou einde gaan dit okay wees. ALYSSA LOFTUS ( MEDICINE MOMMY ), GEORGE, WES - K A AP