Ons facebookma’sdeel
Noem een eienskap van jouself wat jy wens jou kind of kinders by jou kan leer.
Geduld en opstaan vir waarin jy glo. Heidi Smith (32), Centurion, Gauteng
Wysheid vir elke faset en gebeurtenis van sy lewe. Sagmoedigheid, sin van verantwoordelikheid, dankbaarheid vir alles, blydskap in alles, ’n positiewe uitkyk op die lewe en om te kan lag vir die krul van ’n duisendpoot. Lizelle Schoonwinkel (31),
Meyerton, Gauteng
Dat ongeag wat in haar lewe gebeur, sy altyd die mooi in alles sal sien en positief sal bly. Chantelle Navias (29), Lephalale, Limpopo
Om altyd te help waar hulle kan, maak nie saak hoe klein die probleem is nie. Heidi
Kotze (29), Kaapstad, WesKaap
Wees mooi, vriendelik en geduldig met ander mense. Dit wys wat in jou hart aangaan. En geniet die lewe – dis ’n fees!
Mariné Botha (48), Port Elizabeth,
OosKaap
Om groot te droom en nooit op te gee nie. Saskia Le Roux (25), Grabouw, WesKaap
Ek lag altyd en is positief. Ek wens dat my seun ook altyd positief sal wees, sal lag en liefdevol sal wees. Dorothy Modiba (25),
Mankweng, Limpopo
’n Liefde vir sing, dans en musiek. Yolandi Theron (34), Brackenfell, WesKaap
Die genot van braai in die veld, met ’n lekker wintersonnetjie wat op jou bak saam met hartsmense en om die eenvoud van die lewe te waardeer. Francel Burger (33),
Upington, NoordKaap
Geen uitdaging is te groot nie, jy is tot alles in staat deur God wat jou die krag daarvoor gee. Geniet elke oomblik saam met jou hartsmense ten volle!
Elmarize du Plessis (31), Upington,
NoordKaap
Sien altyd die goed in almal raak. Mense verdien ’n tweede kans, want almal maak foute. Jana du Plooy (42), Kempton Park, Gauteng
Uithouvermoë en respek vir jou medemens. Elizabeth Wilskut-Sampaya (41),
Kaapstad, WesKaap ●