Madelein Koen van Rustenburg in Noordwes het haar seuntjie se vyfde verjaardag met ’n baie kreatiewe jagpartytjie gevier en allerhande prettige aktiwiteite ook aangebied.
Die versnaperings is alles kreatief verpak en benoem om by die tema te pas. Die happies het snellers, trofees, silencers, camocorn en ammunisie ingesluit.
Links: Die uitnodiging was beslis ’n lekker lusmaker wat die maatjies solank opgewonde kon maak.
Hooffoto: Dié koek is in die kol! Chinique Valentine het dit gebak.
Regs: Die verwelkomingstafel met talle houtelemente pas perfek by die buitelugtema waarmee Jurgens sy vyfde gevier het. Kakiekleurige bykomstighede is oral gebruik om ’n outentieke Bosveldgevoel te gee.
Bo: Die maats kon dierevormpies van klei maak en ogies daarop plak.
Regs bo: Die gaste het op houtstompe gesit en kamoefleerpette present gekry. Die blikborde en - bekers bou die tema van ’n jagpartytjie in die bos verder uit. Elke maat kon ook ’n stok met malvalekkers braai en het ’n sleutelring met Jurgens se naam op gekry.
Onder: ’n Jagter moet ver kan sien en ’n ma moet lank vooruit genoeg toiletrolle bymekaar begin maak vir dié aktiwiteit.