Hoe gebeur dit?
Volgens die mediese webtuiste msdmanuals.com is daar verskeie oorsake vir abnormale vorming van ledemate. Dit sluit in ’n oorgeërfde afwyking of ontwrigting wat tydens ontwikkeling van die ledemaat plaasgevind het.
Een so ’n ontwrigting is vrugband- sindroom, waar die dun, weefselagtige stringe in die baarmoeder om die ontwikkelende ledemaat vasdraai en bloedtoevoer soontoe laat afneem.
Ander ontwrigtende faktore sluit in infeksies of skadelike stowwe. Dis ongelukkig baie moeilik om vas te stel wat presies die oorsaak van die afwyking is.