Gekrummelde PERSKE
BESTANDDELE
• 2 ryp nektariens of perskes, middeldeur gesny en pitte verwyder
• 60 ml (4 e) bruinsuiker
• 30 ml (2 e) botter
• 30 ml (2 e) granola
• roomys of bevrore jogurt
METODE
1 Plaas elke perskehelfte op ’n stuk dik foelie wat groot genoeg is om die perske toe te vou. Meng die suiker en botter saam en skep daarvan in die holte van elke perskehelfte waar die pit was.
2 Vou die foelie oor die perske en sorg dat die kante deeglik toe is.
3 Plaas die perskepakkies op die rooster en braai sowat 15 minute oor matige kole. Verwyder en laat effens afkoel voor jy die pakkies oopmaak. Skep ’n lepel vol granola bo- op elke perske en sit voor met ’n skep roomys of bevrore jogurt. ●