Baba & Kleuter

BEGINNER Jy het nog nooit geoefen nie of oefen selde.

-

Benader die program geleidelik en fokus daarop om daarby te hou. Jy kan later meer inspanning aanwend en vir langer rukke stap.

Begin deur 10 tot 15 minute per dag te stap, drie dae per week. Neem minstens een dag blaaskans tussen stapdae.

Wanneer jy gereed voel, kan jy nog ’n stapdag byvoeg en elke stapsessie vyf minute langer maak.

Voeg ná ’n paar weke ’n vyfde stapdag by jou roetine. JOU DOELWIT Probeer om teen die einde van die trimester 10 tot 20 minute per dag, vyf dae per week, te stap.

In dié “wittebrood”-trimester voel jy vol woema en behoort naarheid iets van die verlede te wees – dis dus die ideale tyd om te oefen.

As jy hierdie program in jou tweede trimester aanpak: Begin dan met 10 minute per dag, vier tot vyf dae per week.

As jy gereed is, kies twee dae wat jy langer stap (15 tot 30 minute) en voeg nog ’n stapdag by die roetine.

JOU DOELWIT Probeer om teen die einde van die trimester 15 tot 30 minute per dag, vier tot ses dae per week, te loop.

Mik na vyf tot ses dae per week, maar wees bereid om rustiger te word namate jou maag swel.

As jy hierdie program in jou derde trimester begin: Spring weg met 10 minute per dag, vier tot ses dae per week.

As jou energie taan, verminder die duur van jou stapsessie of verdeel dit in korter sessies.

Mik daarna om dieselfde hoeveelhei­d stapminute per week as teen die einde van jou tweede trimester te handhaaf, maar aanvaar dat jou pas – en dus die afstand wat jy gaan aflê – sal afneem.

JOU DOELWIT Probeer om teen die einde van die trimester 15 tot 30 minute per dag, vyf tot ses dae per week, te stap.

Newspapers in Afrikaans

Newspapers from South Africa