Slim idee
MAAK ’N DROOMPLEK VAN PLANTE
Elke kind smag na ’n boomhuis, maar nie alle tuine het bome waarin boomhuise gebou kan word nie. Maak vir jou kind ’n tipitent van stokke en rankplante. Jy het ses lang riete (of besemstokke) nodig. Plant dit stewig in die grond in die vorm van ’n C – die oop kant van die C sal die deuropening vorm. Bind die bokante van die stokke aanmekaar met ou sykouse en plant vinnige rankers langs elke stok. Gebruik verskillende plante: rankboontjies, eendagmooiblomme ( morningglory), jasmyn en selfs pronk- ertjies en kappertjies. Plant gras wat van skaduwee hou in die tent en binne ’n paar maande sale jou kleinding ’n eie spesiale, toegerankte speel- en wegkruipplek in die tuin hê.