UMLANDO: Okwenzeka emlandweni wamazwe ngamazwe ngalesi sikhathi
NgoLwesibili ziyisi-7, kuMbasa ngowezi-2015
UMac Maharaj umemezela ukuthi uzothatha umhlalaphansi ngasekupheleni konyaka. Wayengumeluleki osemqoka nomkhulumeli kaMengameli uZuma. Waphatha izikhundla eziningi kuHulumeni washiya eseneminyaka engama-80.
NgoLwesine ziyisi-7, kuMbasa ngowezi-2005
Isiqhumane esicushwe ngaphandle ezitolo ezinkulu ekomkhulu lase-Egypt iCairo, sibulala izivakashi ezimbili kwalimala abantu abali-19
NgoMsombuluko ziyisi-7, kuMbasa ngowe-1997
Umholi we-ANC KwaZulu-Natal eMaphakathi uSifiso Nkabinde uyaxoshwa kule nhlangano usolwa ngokuba nayinhloli ehlose ukudicilela phansi uMnu uJacob Zuma. UNkabinde uyaziphika zonke izinsolo abekwa zona, kodwa uthi lokhu kwenzelwa ukususa isithombe esibi ngalabo abayizimpimpi ebuholini obuphezulu be-ANC
NgoLwesibili ziyisi-7, kuMbasa ngowe-1992
Izwe iDjibouti lisusa umgoqo ebiwubekile wokungahwebelani neNingizimu Afrika, ngesikhathi esifanayo iCote d’Ivoire imemezela ukusungulwa kobudlelwano obusha bezokuxhumana nelakuleli okwenza libe yizwe lesibili ukwenza lokhu emuva kweMalawi.
NgoLwesine ziyisi-7, kuMbasa ngowe-1994
Amasosha ayengazwile avuka indlobane abulala uNdunankulu owayebambile eRwanda namasosha ali-11 aseBelgium, kwaqubuka impi yomkhaya eRwanda emuva kosuku kufe uMengameli wakhona nowaseBurundi engozini engaqondakali yokuphahlazeka kwebhanoyi.
NgoLwesithathu ziyisi-7, kuMbasa ngowe-1999
IKhomishini yamaQiniso nokuBuyisana iThe Truth and Reconciliation Commission inqabela ushwele uClive DerbyLewis noJanusz Walus, ababulala umholi weSouth African Communist Party uChris Hani.
NgoLwesine ziyisi-7, kuMbasa ngowe-1983
UHulumeni waseFrance uthatha isinqumo sokuba ucele zonke izinhlaka zezemidlalo ukuba ziqede ubudlelwano neNingizimu Afrika.