IMeya yaseDumbe ingenelele kolwamanzi
EMUVENI kweziteleka ebezithe chithi saka nezwe lonke ngaphambi kokhetho lukaMengameli ezweni olubanjwe ngesonto eledlule, bekunethemba lokuthi zizodamba njengoba iningi lazo belimayelana nezikhalo ngokuhanjiswa kwentuthuko emphakathini.
Izolo umphakathi owakhele izindawo zaseDumbe uvuke ngovivi wavala imigwaqo ngamathayi avuthayo nangezihlahla ukhala ngokuthi sekuphele amasonto ungenawo amanzi.
Ngakolunye uhlangothi umgwaqo ophakathi kweVryheid neMondlo uze wavulwa ngoba sekungenelela amaphoyisa.
Umphakathini uthi ufuna iMeya yaseDumbe uMnu uMajuba Mavuso azowuchazela ngesimo samanzi. Umphakathi uthi ubunethemba lokuthi emuva kokhetho inkinga yamanzi izolungiswa ngoba wawuchazelwe ukuthi uMasipala Wesifunda
iZululand uyayilandelela.
Isakhamuzi zaseMondlo esikhulume neBAYEDE ngocingo izolo uMnu uMsawenkosi Nkosi uthe impilo inzima selokhu kwaqala ukunqamuka kwamanzi. “Okusikhathazayo ukuthi akuzona zonke izindawo ezingenawo amanzi, kodwa thina kwezethu asinawo futhi yithina esikhahlamazeka kakhulu ngoba akekho osinakile,” kuzikhalela uDlamini. Umphakathi usabise ngokuthi uzoqhubeka nemibhikisho yawo ngoba kuyilungelo lawo ukuba namanzi.
Ngokuthola kwaleli phephandaba inkinga yokunqamuka kwamanzi ezindaweni ezingaphansi kukaMasipala Wesifunda iZululand idalwa ukuthi ingqalasizinda ethumela amanzi isindala.
Okhulumela amaphoyisa KwaZulu-Natal uColonel uThembeka Mbhele uthe umphakathi waseMangosuthu uvale umgwaqo omkhulu ngamathayi avuthayo nangezingodo, kwaze kwadingeka ukuba kungenelele amaphoyisa awuhlakaza.
IMeya yaseDumbe uMnu uMajuba Mavuso uthe inkinga evelile emphakathini ngeyokungawatholi amanzi kodwa njengoba uqonda ngokulawula kukaMasipala iDumbe lolu akusilo uhlelo olubhekene nathi ngokulawula. “Le nto iqale ngasekuqaleni kukaNhlaba zizine abasebenzi bagodla amanzi babeka phansi amathuluzi ezindaweni eziphakela neziphehla amanzi. Ngokusho kukaMavuso uthi kwaba nezingxoxo ezaqala ngonyaka wezi-2016 zimayelana nokunyuselwa amaholo nokubuyezekwa kwemisebenzi yabo. Eqhuba uMavuso uthe ngonyaka wezi-2016 kwaze kwafika nowayenguMengameli uMnu uJacob Zuma kule ndawo naye wathola ukuthi amanzi awekho. Uthi nangonyaka odlule baba nezinye izingxoxo umqashi okuyiZululand wabathembisa ukuthi izingxoxo zizoqhubeka nezimali zabo bazozithola ngoNhlaba wezi-2019.
Uthi ushayile uNhlaba wezi2019 abasebenzi baqala bagodla amandla ezilawulini zamanzi njengesikhulu saseBilanyoni. Lesi silawuli siphakela izindawo eziningi njengeBilanyoni kuward 2 nakhona kunezigodi zakhona okuyiMangosuthu, Ezibomvu, KwaNgwanya naseMandela Village.
Eqhuba uthe ngokuqbubeka kwenzeka lezi zinto ube esekhuluma neziphathimandla kuMasipala Wesifunda iZululand ngokuthi amanzi akhona kodwa kusele abantu abazowavula. Uthi ngalesi sikhathi kwakuzoqala uhlelo lokuvota ngokukhethekile ngaphambi kokhetho olukhulu ngesonto eledlule lapho amanzi ayedingeka kakhulu. “NgoLwesithathu ngavuka ngaya eesilawulweni samanzi ngafica abasebenzi ngalandelela ngodaba, bangitshela ukuthi bathole izincwadi eziphuma kumqashi zithi kumele babe sezindaweni abasebenzela kuzo. Ukuvalwa kwemigwaqo kusho ukuthi abantu abakwazi ukuhamba nabaya ezibhedlela abakwazi ukufinyelela kuzo ngenhlanhla umphakathi usilalelile ekukhulumeni nabo ngibachazela ngolwazi enginalo lokuthi inkinga ikuphi,” kusho uMavuso
Uthe ube eseshayela iMeya yaseZululand uMnu uThulasizwe Buthelezi emtshela ukuthi abeze nohlelo lokuqinisekisa ukuthi udaba lulungiswa kanjani, wathi zikhona izinyathelo zomthetho abazithathayo ngabasebenzi abatelekile.
Uthe ithimba elithunyelwe uMasipala lithe izinkinga zindala njengoba kunephampu eyafa kodwa i-oda lakhona balenzile izoze ifike kusasa ngoMgqibelo. Uthe iphampu izoqala ukufakwa khona kusasa base bebanikeza amaloli amabili amanzi azophakela abantu.
“Kunezinsolo zepolitiki ezikhona, abasebenzi abakhona kulezi ziphehli ngabaqashwa ngemuva kokhetho lowezi-2016 kusaphethe iNational Freedom Party (NFP) yibona laba abatelekile ngoba kwaba nezivumelwano abathenjiswa zona ezingasafezeki. Bakhala ngokuthi uma kuthiwa kumele kulungiswe udaba lwamaholo abo batshelwa ukuthi imali ayikho kodwa kunezinto ezibekwa phambili uMasipala waseZululand njengogandaganda.
NgoLwesithathu ngavuka ngaya eesilawulweni samanzi ngafica abasebenzi ngalandelela ngodaba, bangitshela ukuthi bathole izincwadi eziphuma kumqashi zithi kumele babe sezindaweni abasebenzela kuzo