Kuhlukene ukuphawula ngekhabhinethi yakuleli
Mhleli
SINGASHO yini ukuthi uNkk uPatricia De Lille ngumholo wakhe lo noma amva? Asibabongele abaqokiwe noma beqokelwe ukuzodla bona ngoba angeke beqhubeke kokuqhubekayo kodwa bazofuna ukuqala phansi beshintshe indlela amahhovisi ebesebenza ngayo ngenhloso yokuzitholela amantshontsho.
- nguKhanyisani Sthembiso
Mhleli
UNZIMANDE noMbalula angijabuleho ngabo kodwa ke bazoshitsha bazoyeka ukugcebela nokungapheli ezinkundleni zokuxhumana. Sibongele uSenzo Mchunu kudala ayezama kodwa ngisakhala ngalabantu abadala hawu kanti bona abasafiki yini kuleminyaka engama-60 bathathe umhlalaphansi emsebenzini. Akusetshezweke madoda nomama
- nguBongumusa Scefe Mdletshe
Mhleli
MINA ngithi angixwayise iqembu iGOOD ukuthi isinqumo esithathile sokuvumela umholi walo ukuba angene kwikhabhinethi sibe iphutha elikhulu ngilibona lizolimala kakhulu njengeqembu elisafufusa lokho ngikusho ngalezizathu. INP yavumela umholi wayo waba iphini likaMengameli iNkatha nayo yavumela umholi angene njengoNgqongqoshe neNFP yadedela owayo wangena naye kwabanzima ngikushiso yini lokho ingoba ukuqokwa kwabo kusuke kuzozuzisa i-ANC kuphela iqembu alizuzi ngoba umholi ulibala imisebenzi kaHulumeni akhohlwe ukukhulisa iqembu lakhe.
Ngizozwakalisa ukuthi ngibonise labaholi ukuthi abafunde kwiDA ne EFF ayi ngoba i-ANC ingakaze iwanxenxe lamaqembu ukuthi angene kuHulumeni kepha iyakwenza kepha wona abhekene nokukhulisa amaqembu abo ayazi ukuthi asemancane futhi lokho kuyawasebenzela akulula ukuphikisa ubasi wakho uma enza amaphutha ingakho iDA neEFF bangayingeni ekaHulumeni kuyabasebenzela lokho ekukhuliseni amaqembu abo ngiphikiseni phela.
- nguBongani Jiyane
Mhleli
NGICELA usitholele ukuthi malini le osekungaqhoshwa ngayo ukuthi uMengameli uyongile ngokunciphisa iminyango kahulumeni. Singaze sijabule kakhulu, ngokubheka ukuthi kuneminyango esinamasekela ngamabili. Singagcini lapho sibheke ukuthi ukuthi leminyang osekuthathwa njengekho, ngabe izosebenza kanjani. Ngizoma lapho. Bengingathokoza uma ngingaphenduleka.
- nguQothula Maduna