Imibono ngezimeya ezidiliziwe
Mhleli
SIYABONGA Moya oyiNgcwele ukuzwile ukukhala kwabantu. Wayisusa inkinga phakathi kwethu Ngiyabonga moya weqiniso, moya onamandla oduduzayo. - nguMbuzeni Vezi KaDweba
Mhleli
EKUJULENI kwenhliziyo yakhe uBab’Njilo uyazi naye ukuthi akukho okuhle akwenzele iCapital City. Udoti awubuthwa kungcole kuyihlazo. AmaPakistan nabokufika ibona ababusa uMgungundlovu. Emigwaqeni akuhambeki amatekisi ama noma kuphi. Cha mfoka Njilo nawe uyasho nje enhliziweni ukuthi “ewu liphume nobomvu”. - nguMavungama Mvelo Mhleli
IBAMBE ngakho impela. Sizoke sizwe ukuthi wena uyibona kanjani le ndaba...Ukusho nje ukuthi iPEC yaseKZN iqotho kuneNEC ku-ANC noma benikezana amandla kodwa ukuyekiswa kweMeya yoMsunduzi kusho lukhulu ngekusasa leKZN. Phela idolobha lethu beliphethwe yigundane nalo futhi seliphenduke isidleke samagundane ngenxa yokungcola okuthusayo. - nguMzwah Nicky Phungula Mhleli
AYIKHO nje uMeya uNjilo into asisize ngayo ngoba uvele wenza amaphara agcwala idolobha lonke. Manje awusakhululeki noma uhamba ngoba uzobanjwa inkunzi noma ilaphi. - nguZanokuhle Mchunu
Mhleli
ABANTU abaphucwa izikhundla sekumele baphucwe namakhadi enhlangano ngoba uma sebengaphakathi beza namaqhinga amasha. - nguBuhlebemvelo Mbele
Mhleli
KODWA-ke noma angaxoshwa uMeya uZandile Gumede kodwa lokho akusho ukuthi inkohlakakalo izophela eMkhandlwini weTheku ngoba angikholwa ukuthi uMama uGumede ubeyedwa kulokhu futhi inkohlakalo ngeke ayenze eyedwa kungekho abaholi abaphezulu be-ANC. Into ezokwenzeka nje eqenjini elibusayo sobona ukuhlukana phakathi kobuholi kuze kube nomthelela ngisho esifundeni sase-Ithekwini Region okungaholela ekutheni i-ANC iphunyukwe uMkhandlu weTheku. - nguNkosinathi Mfanimpela
Mhleli
NGIBONA kuzokhuluma izulu lezandla enhla nezansi nesifundazwe. Usho njalo umntomdala emazulwini mangiyibuka ngesimo saphakade le ndaba. - nguJomo Jali
Mhleli
WAFAKWA yizimpisi ngoba kwakukhaphelwa imvu eweni. Namuhla ngithi ziphi izimpisi? Sezimsulwa! Yiya baba zinqandwe kweziwudlayo. - nguZamo Ndlovu
Mhleli
KAKADE kudala aphuma ohlwini lezokhetho. Ubaba obephethe eMsunduzi besekusele igama kuphela nje. - nguGatsheni Ndlovu