UNgqongqoshe Wezezimali ethula isimo sezimali zezwe
Mhleli
INingizimu Afrika inothile ukuthi izwe lilawulwa ohlohlesakhe, izinkothangqoko. Amathenda alibulele izwe, kuthengiswa into ye-R100 ngesigidi samarandi. Kuntshontshwa izigidi kungaboshwa muntu. Uma uke waveza ukuthi unobufakazi benkohlakalo uya kwagoqanyawo. Baphi oMagaqa? Kwaboshwa bani ngokufa kwakhe nabanye? Inkohlakalo isemthethweni lapha eNingizimu Afrika.
- nguJabulani Thulasizwe Mchu
Mhleli
Uzokhula kanjani umnotho sisamba igolide silikhiphe ngaphandle kwezwe libuye selizodayiswa lapha. Kulele kunye kubaholi bethu.
- nguSthe Gabayi Mantengu
Mhleli
I-ANC ayivume ukuthi isihlulekile ayikho le nto yabo. Saze safa ukucishelwa ugesi. Uma uthi ukhuluma nomlungu ucela umsebenzi ukutshela ngogesi athi umkhiqizo awukho.
- nguXhawulani Manyisa
Mhleli
Okwamanje sonke siyazi kuthi silinyazwa yini kodwa akekho ozokhuluma iqiniso ngoba bonke basaba ukwenzakaliswa kodwa izwe liyafa.
- nguNgqengelele Duncan
Mhleli
Njengoba behlongoza ukuthi kwenyuswe iholo likaMengameli uzozwa futhi maduze sekuthiwa kuzonyuswa awamalungu ePhalamende.
- nguWonder Bongani agcine evumile ukuthi waye sebenzisana noMsholozi kanti bahambe kabi. Inhloso yayo yonke le nto ukuthi bafuna uMengameli uZuma. Sengilinde i-EFF ukuthi izophendula ithini-ke njengoba yayisimthuke kangaka unkosazana wakwaMyeni.
- nguNkanyiso Mbatha
Mhleli
Ubuxoki bufike neNew Dawn kaRamaphosa esebenzisana neDA. KunamaBhunu obandlululo akade ehamba amacala abekhokhelwa uHulumeni ngoba ayengamaphoyisa kudala.
- nguThokozani Mbhele Ntuli
Mhleli
Ngibona ukuthi kwaba yiphutha ukuthi sithathe umbuso sisenezilonda zobandlululo. Kwakumele siphole kuqala, baqhubeke abamhlophe babuse kodwa belawulwa uMthethosisekelo. Sithi uma sesikulungele bese siyaphatha.
- nguThulani Mish Gumede