Baphawula ngombiko wosizi lwabasemijondolo
Mhleli
Siyabonga ukusivezela into enganakiwe, kumele azi uHulumeni ukuthi inhlupheko kubantu boHlanga iyinkinga.
- nguThokozani Sikhakhane
Mhleli
Akekho umuntu ongathi enenye indlela akhethe ukuyohlala emkhukhwini kodwa baphoqwa ububha nokungasebenzi. Uma unikwa indlu ungasebenzi nezingane zilambile uzoyidayisa ukuze udle.
- nguMaqhinga Buthelezi
Mhleli
Kuyoze kushintshe isizukulwane ukuze kuphele imijondolo ngoba inkinga abantu bafundiswa ukuhlala emijondolo futhi ababuboni ubungozi bakho ngoba nabazali babo babengabunaki. Kuyihlazo ukuthi abantu badayisa izindlu zabo zomxhaso kaHulumeni babuyele emijondolo.
- nguMzwandile Mdlovu
Mhleli
Ngeke yaphela imijondolo abantu besafuna imisebenzi, kungakathuthukiswa emakhaya, kusaqhutshwa ngohlelo lobandlululo. Ngisho nendlela yesimanje yokuhlela amadolobha isabavalela ngaphandle aboHlanga.
- nguJoseph David Grey Deyie II
Mhleli
Kukhona abahlala ngoba beswele indawo yokufihla ikhanda bese kuba nalaba abafudukela emadolobheni beyozama amathuba emisebenzini. Banawo amakhaya kepha benzela ukungahlali ezitaladini. Labo abayidayisayo imixhaso yabo, esingathi ngozenzile, akumeleke sibakhalele. Imijondolo ayisoze yaphela.
- nguSigcino Sibiya Cosmos
Mhleli
Baxoshwa yini emakhaya ngoba iningi labo alisebenzi? Emakhaya kungcono kabi ngoba ngisho ungenaso isishebo uhamba uyokha uqadolo ufake iKnorrox ubeke phezu kophuthu. Emjondolo yonke into iyimali ekubeni kunokungcola yonke indawo.
- nguParsyle Doobe
Mhleli
Kuyefana ngoba bathola izindlu zomxhaso bashiye obhululu babo babuyele emijondolo. Ayisoze yaphela, akuvalwe amaRDP umuntu enze izitini zodaka akhe indlu, emakhaya senza kanjalo.
- nguSandile Maphalala
Mhleli
Mina angibazweli ngoba bayayithanda leyo mpilo.
- nguNene Masikane KaNombanga
Mhleli
Abantu sebavilapha ukucabanga nokuzenzela. Konke sebekulindele kuHulumeni, indoda endala ikhale ngendlu yangasese kodwa inazo izandla zokuyigubha.
- nguThabang Nkwaibomvu
Mhleli
Noma ungazamani imijondolo ayisoze yaphela. Ngokwami ngibona ukuthi abayekwe kanje.
- nguSandile Maphalala