Abafundi baphawula ngosizi lonogada
Mhleli
Yini unogada? Lona ngumuntu olala isikhathi esincane kunabantu abaningi. Udlula emakhazeni, elangeni, emvuleni nasendlaleni. Futhi kunezikhathi lapho engenaholide njengoKhisimusi, uNcibijane nezinye izikhathi ezibalulekile. Ubakude nomndeni wakhe uma izingane zakhe, izingane zakwabo noma abazali bakhe begula. Uyadelelwa, ahlukunyezwe, akhale, asokole futhi uhlale esaba kwazise ubhekana nezimo ezinzima emsebenzini wakhe. Uma eya emsebenzini ngovivi akazi noma uzubuyela ekhaya esaphila yini. - nguThembani Mhlongo
Mhleli
Lo mkhakha ucindezelwa nanguMengameli wezwe nabo bonke abasezikhundleni eziphezulu kupolitiki ngoba bebheke izisu zabo nenzuzo, abanandaba nobuntu. - nguJabulani Dlamini
Mhleli
Izinyunyana ziyabadayisa ngoba zifike zithi zixoxisana nabantu zijike zingabuyi nempendulo kuphele kanjalo. - nguMzakes Nyanganduna
Mhleli
Impela onogada kudlalwa ngabo kakhulu. - nguNjabulo Shangase
Mhleli
Kunzima ukuba ngunogada. Igama likanogada lenza izindodla zemali kodwa ebe ema kuze kushone ilanga lasehlobo elikhipha umkhovu etsheni, anethwe yizimvula kusukela ngelsi-6 ekuseni lize liyoshona. Ekugcineni angatholi lutho kudle usopolitiki. Kulaba abangalwazi ubandlululo ukuthi lwaluyinto enjani abahambe bayobheka onogada bazolubona ngamehlo. - nguMakhekhe Babaka-Kufeziwe Makhombothi
Mhleli
Izinkinga zonogada ngeke zixazululeke ngoba uMnyango Wezabasebenzi awuyilandeleli imithetho ngendlela, okubuhlungu kakhulu abanye abafowethu nodadewethu abasebenza kule mboni baxhashazwa ngabaqashi bakithi boHlanga. - nguXolani Zaca
Mhleli
Khona ibuhlungu impilo yalaba bafowethu nodadewethu ngendlela abaxhashazwa ngayo futhi noHulumeni akanendaba nabo ngoba naye ungene kule nto. Ingabe bayosizwa ngubani? - nguCebisa Shabangu
Mhleli
Ave kudlalwa ngonogada kodwa bangicika ngokuba yizimpimpi bacindezelane bodwa ngoba bencenge ukuthandwa abaphathi babo abadlala ngabo Uma ungakaze ube ngunogada awulazi usizi lokusebenza, kwesinye isikhathi uze uzibone ufana nenja. Kodwa ngisola osopilitiki, kudlaliwe ngonogada eNingizimu Afrika. - nguThuthuh Nkwanyana
Mhleli
Kunzima nansi iDA iveze ukuthi uZuma ubehlomula isigidi samarandi njalo ngenyanga kuRoyal Security, yizona izikhulu ezidla amandla abantu. - nguLungelo D Gatsheni
Mhleli
Lo msebenzi uyingozi nomhlomulo mncane. Nalaba abathi bangabakhulumeli benza inzuzo ngenhlupheko yalezi zisebenzi. Izingxoxo zamaholo bazidonsisa unyaka wonke babuye neshumi losheleni ebelivele libekwe ngumqashi. Le mboni yafa sekusebenza abadinga imali kuphela. - nguBhekokwakhe Dube
Mhleli
Umsebenzi wonogada uyingozi kodwa uma usulandela imigomo yawo awuyona ngoba bayahlala nje, uma bebhekana nezigebengu bavumela isimo bese beyobhala isitatimende kuphenywe labo abasolekayo.
Uma unogada esebenzise isivikeli asiphethe uyaklonyeliswa ngalokho akwenzile njengalaba abathutha imali nokunye okuyigugu. - nguMzwandile Mdlovu
Mhleli
Ake kugxekwe laba abazibiza ngePsira, bayimbangela yayo yonke into eyenzeka konogada. Uma bengake basebenze ngeqiniso bayeke ukufunjathiswa abaphathi bezinkampani zonogada uma kumele baphenye indlela abasebenza ngayo namaholo abo. Kufanele engabe nakonogada kunezikhathi zokungena okungaba ihora lesi-6 kuyakwelesibili, elesibili kuya kwele-10, eleshumi kuya kwelesi-6 ekuseni.
Bese kuthi laba abaqapha izindawo ezifana nemitholampilo, iziteshi zamaphoya, izibhedlela njalonjalo benziwe babe ngaphansi kukaHulumeni babe nemihlomulo ayeke ukuthatha imali ayinike abantu abazoqola onogada, babaholele amakinati bona bahambe nezizumbulu zemali. - nguOnskuldig Zoeloe
Mhleli
Bona basebenza ngaphansi kwezimo ezibucayi nokubukeleka phansi kodwa nabo ngokuba yizimpimpi babuye bazicindezele. - nguSibusiso Buthelezi
Mhleli
Kodwa ukhona unogada oke anqobe icala kwezabasebenzi noma kwaCCMA, bahlezi bebuya bethi libachithile? - nguThuthuh Nkwanyana
Mhleli
Engabe izinyunyana abangaphansi kwazo ziklama yiphi indima ekungavikelekeni konogada. - nguCebisa Hugonet