Abafundi baveza ilaka labo ngokuvulwa kwezikole
Mhleli
Kungathi amanyuvesi engavulwa kodwa kuvulelwe izingane, kumayelana nani lokhu ngempela? Kuvalwe izikole amazinga abantu abonokhuvethe ephansi sekuthi lapho isibalo senyuka sekuvulelwa izingane ukuthi ziye esikoleni, ayiwenzi umqondo yonke lento.
- nguMelusi Mmeli Shange Mhleli
Angiyiboni kahle eyokuvulwa kwezikole ngoba izingane kazilawuleki. Naso lesi sifo asikabi nayo indlela yokulawuleka wonke umuntu ukhuluma akucabangayo ngaso, indlela esitholakala ngayo kanjalo neyokusigwema. Kusenzima kakhulu, izingane zethu bezilungile sizivalele emakhaya.
- nguMandla Mbatha Mhleli
Kumina ayihlali kahle eyokuvulwa kwamabanga aphansi. Akupheli ngisho imizuzu emihlanu izingane zifake izimfonyo, engabe ezikoleni bazokwenzenjani?. Abahlelele uGrade-12 kuphela kuyothi uma selidambile igciwane zivulwe-ke izikole.
- nguDudu Sithole Mhleli
UMqondisi-jikelele woMnyango kanti ubekuthathaphi lokhu abekusho, nakhu siyiswa le nale?
- nguSboniso B Mdlalose Mhleli
Empeleni abaphathi bethu bebezozivula izikole kodwa kwezwakala izikhalo zabazali ngoba basazovula bodwa abasezikhundleni eziphezulu balungiselele. Ngiyafisa ukuthi nakweminye imikhakha uma kunezikhalo ulalelwe umphakathi.
- nguSgubhusedeshi Dlamini Mhleli
Kunzima impela ngoba vele abantwana abaphephile kwakhona emakhaya njengoba bewuvanzi begcwele imigwaqo, abazali bayehluleka ukugcina abantwana ezindlini. Kumele kusetshenziswane ukuze sibe nenqubekela phambili.
- nguSibusiso Bhengu Mhleli
Ngiyasibonga lesi sinqumo kungekhona ukuthi angifuni izingane zifunde kodwa ngifuna ziphephe.
- nguDocter Ngema Dodile Mhleli
Uma ngibuka sengathi labo ngqongqoshe abanakho ukucabanga ngendlela eyodwa, kwenzeka kanjani ukuthi inkulumo ize ifinyelele kwezokuxhumana ingahlangene?
- nguLizwikalindani Mzobe Mhleli
INingizimu Afrika ayinabo ubuholi obuqondile nobuhlelekile, laba bantu badala sebedinga umhlalaphansi.
- nguNjabulo Jayz Nongalo Msweli Mhleli
UNgqongqoshe ubengakaze asho ukuthi ziyavulwa mhla zizine, njengoba echazile ukuthi yizikhulu ezizovula ngalolu suku. Othisha mhla zili-18 kuthi iBanga lesi-7 nele-12 lulunye kuNhlangulana kodwa kuseyizincomo. Laba abalindele ukududulwa abakhohlwe.
- nguZwelethu Zulu