UCele uzithintele ngokuxolisa kumaSulumane
Mhleli
Akungethusi kakhulu nakhu noMengameli ne-ANC bavikela ikhehla lebhunu lisithukile siyizwe kwaba sengath i-EFF iyasangana uma ikhuluma leyo nto. Kuze kube yinamuhla oPravin basafukamelwe ngakho-ke naye uNdosi usaqhubeka kulokho. Ayisekho i-ANC le eyayilwela lesi sizwe.
- nguMelusi Ntuli Sompisi Mhleli
AmaSulumane yebo awuphulile umthetho kodwa asekhalela usiko lwawo akukho okungalungile ngalokho. Kulesi sigameko sokuchithwa kwenyama notshwala emsamo kunomsebenzi, thina aboHlanga sadayiswa aMakhosi okwakumele alusukumele lolu daba ngoba lwaluthinta usiko lwesizwe esinsundu. AmaSulumane asukunyelwe abaholi bawo kodwa uCele ubhede ngokuthi axolise amaphoyisa engakaziphenduleli.
- nguThabani Sithole Mhleli
Ungiphoxe kakhulu uBheki Cele abantu bephula umthetho bazi kahle ukuthi ayivumelikile imithandazo yabantu abaningi. Yena ugijima uyodayisa amaphoyisa ebe enza umsebenzi wawo, uyoxolisa. Akeze-ke azoxolisa kwabaphansi abachithele utshwala babo ngebhuzu.
- nguMlamuli Simphiwe Thango Mhleli
Kunzima kulo mhlaba kodwa ukube bekuyisonto laboHlanga ubengeke asibone isidingo sokuxolisa. Eqinisweni ngaboHlanga abangahloniswa. Sicindezelwa ngabantu bakithi okusho ukuthi sibukelana phansi sodwa.
- nguSbu Thwala Mhleli
Uxoliseleni vele kade kungenwa emasontweni endlu ensundu akaze axolise, uyixoki.
- nguZakes Mkhize Mhleli
Akayoxolisa kule mindeni amaphoyisa agasela khona angena emsamo achitha inyama notshwala. Akulinganwe, bangcono ngani laba abakama ngezandla kunomuntu ompisholo? Uyanhlanhlatha kakhulu uNdosi.
- nguLindani Ka Bhekabantu Dukanezwe Gumede
Mhleli
Kubalulekile ukwazi amalungelo akho. AmaSulumane asukumile akhononda yingakho kuxolisiwe, kuthina bekujivazwa usikompilo lwethu sihleka sithi bayalunga. Angiyiboni inkinga ngokuxolisa kukaNdosi bekufanele nakithi wayezoxolisa ukube sakhononda kodwa sathi benza kahle.
- nguLinda KaNyangayezizwe Majola Gcabashe