Ezamzukwana zikaMasekela
Nakuba esalala kobandayo uHugh Masekela kodwa imisebenzi yakhe emihle iyamlandela. Funda udaba kulolu shicilelo
Kukhona ukukhuluma ose k w ejwayelekile nje lapha phandle okuthi: “Isitha somuntu yingqondo”. Laba abasho lokhu kubukeka kwakungabantu abaqaphelayo ngoba nembala konke kuqala kuphethe emqondweni, awuze ungayinqoba impi ngaphandle uma ikwehlule emqondweni. Lapha kwaboHlanga endulo kwakunezifundo kanjalo nemithetho eyayilekelela ukuphila kwabantu kwansuku zonke. Lezi zifundo zabe zakha umqondo womuntu, zimbukisa emuva lapho evela khona.
Simenze aqonde ngendawo nesikhathi akuso ziphide zimlunguzise nakulo ikusasa elizayo. Esinye isifundo esabe sigcizelelwa kwabe kuwukuthi umuntu ungumkhululi wakhe qobo ezintweni ezimzungezile. Wayefundiswa umuntu ukuthi konke kusemicabangweni yakhe. Ukuthi yonke into inesizathu, ukuthi yena qobo ukhona ngenxa yesizathu esithize ngoba yena uyimpendulo kokuthile mhlawumbe angaka hlanga bezani nakho. Umuntu wayekhunjuzwa ukuthi ingaphakathi lakhe lenza ingaphandle lakhe.
Ukuthi udonsa okunguwe, ukuthi yonke into inesigqi nomgqogqo wayo. Bonke abantu babekhunjuzwa ukuthi konke umuntu akwenzayo kunemiphumela.
Yonke into inobulili
Ngalesi sikhathi khumbula ukuthi konke kusemicabangweni yakho. Imicabango iyingxenye yezinto esinikwa zona ukuze sikwazi ukuxhumana nomoya ophethe umhlaba. Imicabango ikutshela konke odinga ukukwazi, iqiniso lomsebenzi ozowenza emhlabeni livela kahle uma imicabango nendlela ocabanga ngayo iqoqekile. Uma ngabe ungayinaki indlela ocabanga ngayo ugcina nomzimba ungasasebenzi ngendlela efanele.
Kumele sifunde ukucabanga kahle ngoba imicabango ingakwenza uhlanye uma ungayinaki. Iyasebenzisana kakhulu nonembeza wakho, behlangene banguwe ngezindlela ezihlukile. Kuwela kuwena ukuthi ukhetha indlela embi noma enhle uma sebefikile phambi kwakho. Endulo babekholelwa ukuthi umuntu unikwe konke akudingayo ukuphumelela emhlabeni kodwa ekuhambeni kwesikhathi abantu bakhetha ukulalela izwi elimbi likanembeza. AboHlanga bayizwe muva le yento noma umuntu okuthiwa ngusathane. Umuntu nomuntu uma ngabe enyathele kabi waye bekwa icala ngezenzo zakhe.
Manje abantu sebecashe ngomuntu noma into engabonwayo bathi yiyo eyenze benza okuthile bakhohlwe ukuthi empeleni yimicabago yabo ebabeke lapho bekhona. Bakhohlwe wukuthi ubishi abakulo kube ngenxa yokulalela izwi elingalungile likanembeza washiya lelo elilungileyo.
Yonke into iyahamba
Yonke into iyahamba, iyanyakaza. Ayikho into emhlabeni emile. Uma igazi emzimbeni lisagijima nawe kumele uhambe. Umthetho wasemhlabeni uthi ayikho into ephumulayo ngaphandle komphefumulo mase uphindela emhlabeni wemiphefumulo. Umhlaba uyahamba nawe kumele uhambe, ukuthi uhamba ubheka emuva noma phambili isinqumo esithathwa nguwe.
Ingaphakathi lakho lenza ingaphandle lakho Ingaphakathi lakho liqatha indima enkulu empilweni yakho. Uma umoya, umphefumulo nengqondo yakho kunokuthula kwenza impilo yakho ibe ngcono. Kwenza umhlaba wakho wangaphakathi ukwazi ukudonsa okuhle, ikwazi nokulwa nokubi. Uma izinto zangaphandle zinzima uyakwazi ukuxhumana nomoya wakho nikwazi ukuthola ukuthula. Izifo ziningi kangaka ingoba sesinemi phefumulo engaxhumene nomdali. Ukungaphatheki kahle komoya kwenza ingqondo isebenze umsebenzi ongaphezu kwayo, bese kudonseka imithambo ethile eyenza sigule ngalolu hlobo esigula ngalo. Ingaphakathi lethu ilona esinalo okufanele silinakekele ngokhulu ukucophelela. Ngoba uma singanaki umphefumulo ukhathala isikhathi singakafiki.
Yonke into inesigqi
Njengomfula ogelezayo, ukuhlehla nokubuya kolwandle yonke into iyaphakama ibuye ishone. Konke kwenziwa ngendlela eqoqekile. Ukuze siphile kangcono kumele sithole isigqi sethu njengesizukulwane esisha, kumele silime eyethu indima ngoba yithi amadlozi akusasa. Uma siqhubeka nokudlala ngesikhathi esinikwe sona kuyoba kukhulu esiyokukhokha. Akumele sishiye lo mhlaba zinezinikanga izingane zethu intambo yokubambela nakufika amagagasi anamandla.
Konke okwenzayo kunemiphumela
Konke okwenzayo kunemiphumela, noma ungangayiboni maduze kodwa kuhlale kukhona umphumela ezintweni esizenzayo. Kungaba okuhle noma okubi. Wonke umuntu kumele ayazi indima ayilimayo empilweni yakhe ngoba uma kungenjalo uphilela ukufa. Kukona konke sifundiswa ukuzinuka amakhwapha.
Umthetho uthi isifundo siphindwa uze usifunde. Uma ngabe ungamanga endleleni wabheka indlela izinto empilweni yakho ezihamba ngayo konke okwenzekayo kuyaqhubeka kwenzeke uze uthole isikhathi sokuhlala nomoya wakho nixoxisane ngecebo elingakubuyisela endlini ethuli. Uma usubonile iphutha olenzayo kumele ungavese ukusukumele ngokuqina.
Kumele uzinekele, unikele ngezindlebe zokulalela. Ucele nomphefumulo uzokwamukela isimo, uphinde ukwazi nokucela usizo ngoba umuntu nomuntu uyaludinga usizo.
Uma ngabe uzinikela entweni oyenzayo wayeka ukukuthatha njengomthwalo wakuletha njengomnikelo emhlabeni konke kubalula. Asilandele imithetho emibalwa yasendulo, sivumele ukuholwa ngabantu asebeyihambile le ndlela. Thokoza.