Ikhohlisana ihlomile kuChina ne-Australia
Akuzange kuthathe isikhathi eside ngemuva kwesimemezelo se-Australisa sokuthi kuphenywe umhlaba jikelele ngomsuka wobhubhane lwe-Corona ngaphambi kokuba iChina iziphindiselele.
UNgqongqoshe Wezangaphandle wase-Australia, uMarise Payne, uqale waveza ukusekela lolu phenyo embukisweni wethelevishini ngenyanga uMbasa.
Ezinsukwini ezalandela lezo inxusa laseChina ezweni i-Australia uMnu uChen Jingye waphendula ngokuthi abantu baseChina ngokwabo bangahle baphindisele ngokuduba izinto zaseAustralia. “Mhlawumpe abantu bazothi kungani kufanele siphuze iwayini laseAustralia? Kungani fanele sidle inyama yase-Australia?” Kungakapheli ngisho nenyanga, umkhankaso wokujezisa i-Australia usuqalile.
Ngesonto eledlule iChina imise ukwamukela inyama yenkomo ephuma e-Australia ngesizathu sokuthi kunezinkinga zezempilo. Kwathi emuva kwalokho iChina yafaka intela engaphezu kwama-80% ekungenisweni kukabhali (Barley) ophuma e-Australia.
Iqiniso lithi iChina ingumlingani omkhulu we-Australia kwezohwebo njengoba ukuhwebelana phakathi kwala mazwe womabili kwafinyelela ezigidigidini ezingama-$214 ngonyaka wezi-2018.
Njengoba i-Australia ibhekene nokuthikamezeka kwezomnotho ngenxa yobhubhane lweCorona. Lobu budlelwano bezomnotho kula mazwe bubaluleke kakhulu kunaphambilini.
Okunye okuvelayo ukuthi kukhona izinkulumo ezehlukile e-Australia mayelana nalesi simo phakathi kwala mazwe njengoba kukhona abathi kufanele lijezise iChina kakhulu ukuze lizobuyisela isithunzi saleliya zwe lokuzimela, lokhu kwavela kusikhalazo esabekwa ngu-Andrew Hastie ophakathi kuhulumeni waleliya zwe esasithi: “Kufanele kuthathwe isinyathelo kuvikelwe ukubuswa kwe-Australia. Ubhubhane lweCorona luveze izindleko zangempela zokuncika embusweni ozilawulayo njengeChina ukuqinisekisa ukuvikeleka kwethu kwezomnotho kanye nentuthuko.” Kodwa kukhona ababona lesi simo sizoshiya leliya zwe lisenkingeni ngenxa yokuba lizobukeka leseka kakhulu i-United States America (USA) uma liphindisela.
“Sizobe sizibeka njengomvikeli noma umeseki omkhulu weUSA uma siphindiselela” lokhu kube ngamazwi kayelowo owayengu ungqongqoshe wezangaphandla umnuzBob Carr.
Iqiniso ngale nkinga ebhekene neAustralia ukuthi uma lithatha isinqumo sokuziphindiselela kuChina i-USA izozuza ngoba izothola ithuba lokhuthi ihwebe neChina yonke imikhiqizo engabe iqhamuka ezweni e-Australia kodwa futhi uma i-Australia ingaphenduli ezweni laseUSA izobukeka njengomdayisi ovumela ukuholwa iChina okungagcina sekulimaza ubudlelwane bala mazwe womabili.