Babeka ilaka labo ngokuvulwa kwezikole kuleli
Mhleli
Bekuseva ekutheni kudedelwe ikusasa lezwe ukuya kwaphakelingqondo kodwa-ke ngoba siholwa ngonqamunqeshe azivele zilime ziye etsheni nakuwo amabandla ezenkolo. Labo bayovotelwa yiwona amabhokisi omngcwabo ngalezi zikhuni abazikhwezelayo.
- nguKwazi Gazu
Mhleli
Iyaxaka lena kaHulumeni nathi singabazali usithathela izinqumo ngezingane zethu. Nangesikhathi seFees Must Fall kwakunjena kwaze kwakhala iSILO sathi baphi abazali bezingane uHulumeni washaya imithetho ngezingane zabo bathula?
- nguSkhumbuzo CalaLomlungualikathethwa
Mhlongo
Mhleli
Emakhaya kunezingane ezihamba amabanga amade zingamaqoqo uma zifika emakilasini ziyaqhelelana, kuyiwe ekhefini ziyahlangana. Isiphike isidingo salokhu kuqhelelana ekilasini kuphela?
- nguMkhonzeni M Mthethwa
Mhleli
Azingasali neZishayamthetho zethu njengePhalamende, sekungakwazi izingane izimpunga nezalukazi zingeke zona zikwazi ukuzivikela kukhuvethe. Abahole ngesibonelo ngezethu lezi zingane, kungazodlalwa ngathi size sibone.
Nansi inunu isikhwela ngengalo isifuna ukudla izingane zethu manje!!! Kanti bona oNdabezitha likuphi elabo ilaka uma kunje?
- nguMuziwenkosi Makhanda-khanda Dladla
Mhleli
Mhla abantu baseNingizimu Afrika bakwazi ukubhekana neqiniso bayeka ubuxoki nokubheka ukuthi iliphi iqembu eliveza umbono koba mnandi singabambisana.
Kukhona abakhomba indlela bese bejika zolo lokhu bebethi izingane ziyalimala emfundweni uHulumeni akazicabangeli manje wona amaxoki futhi asethi azingavulwa izikole.
- nguMusa Mdu Musa Mdu
Mhleli
Asike silindele ukuphuma kwemiphefumulo eminingi. Ungathi abantu abaphume ezindlini kodwa amabhubesi ebebewabalekele engakabanjwa, kuvele kuthiwe seningaphuma kodwa awakatholwa, awaziwa nokuthi angakuphi? Akuwenzi umqondo.
- nguMsmile Tikis Ndzima
Mhleli
Kungani kungavulwanga amasonto kuqala inyanga yonke nabakholelwa esintwini kuyiwe nasentabeni bayokhuleka babuze okhokho kuqala njengoba nabo benza uma kuvulwa iSishayamthetho.
Angithi baqala ngeculo lesizwe, nezinto asebezisho manje zithanda ushayisana kancane. Ngezobani lezi zingane okuzwiwa ngazo amanzi? - nguSizwe Nyathy