UHulumeni uthi ake kutholwe omunye umhlahlo
Khona lapho iKhabhinethi livumelene ngokwelula ukuvalwa kwezwe kuze kube yinyanga ezayo
Kubamangali le bese kuyimpendulo kulokho abebe kahala ngakho. Nokho akuphelanga sikhathi singakanani uMehluleli uDavis ekhiphe isinqumo nayilapho elahle khona uhulumeni ngecala, uhulumeni usuthe ucela kube nomlenze wesibili. Kowokuqala kuphumelele abamangali obeku ngu uMnu uReyno Dawid de Beer, abeLiberty Fighters Network neHola Ben Renaissance
Foundation. Obekubangwa yimiyalelo ekhishwe kulandelwa umthetho i-National Disaster Act, abamangali abathi ayikho emthethweni. Inkantolo ivumelene nesicelo sabamangali yanika uhulumeni amasonto amabili ukuba alungise amaphutha. Ngokwe nkantolo imiyalelo ( hayi umthetho ngqo) kayihambisani nomthetho sisekelo wezwe.
Ekhulumela uhulumeni uNgqongqoshe uMthembu uthe bazocela ukuba lesi sinqumo sibuyekezwe. Uthe njengohulumeni bayakholwa ukuthi abakwenzile kube semthethweni njengoba bebekwenza nangaphansi kwezimo zenhlekelele. Lokhu uthi bakwenze ngoba bevikela izimpilo zabakuleli. UMvelase uthe iseluleko sezomthetho abasitholile siyabavuna ngakho bayakholwa ukuthi enye inkantolo ingaqhamuka nokwehlukile.
Unelungelo uhulumeni lokwedlulisa lelicala aliyise eNkantolo eNkulu yokweDlulisa amacala nakweyoMthetho Sisekelo.
UMthembu uligcizelele elokuthi abazophikisana nalesi sinqumo nguNgqongqoshe uMaDlamini Zuma kanye noMengameli uRamaphosa nokubukeka kuyiqhingasu eliyaphambili lokuthi kungaphunywa iqhubu noyedwa njengoba kwenza amaqembu aphikisayo nabanye kuleli.
UMthembu uthe iKhabhinethi isigunyaze ukwelulwa ukusebenza komthetho okhona ophelelwa yisikhathi mhla zili-15 kuNhlangulana. Uthe uzokwelulwa kuze kbe mhla zili-15 kuNtulikazi. Owokokuqala uthathe izinyanga ezintathu futhi ungelulwa ngenye inyanga.