I-LEMON BERRY YOGURT CAKE
Izithako (Ikhekhe)
Izinkomishi ezintathu (3) zikaflawa
Ithispuni elilodwa nengxenye (1 ½) yethispuni kaBaking Powder
Ingxenye (1/2) yethispuni yeBicarbonate of Soda Ithispuni elilodwa (1) likasawoti Inkomishi eyodwa (1) yeyogathi enganongiwe, nengaphumi efrijini
Amathispuni amabili (2) esikhumba sikalamula esigrethiwe
Ama-80ml wejuzi kalamula
Ama-230g webhotela elithambile, elingaphumi efrijini
Izinkomoshi ezimbili (2) zikashukela omhlophe
Ithispuni elilodwa nengxenye (1½) yeVanilla Essence
Amaqanda amathathu (3) amakhulu Izinkomishi ezimbili (2) zamaBerry axutshiwe (kungaba afresh okanye afriziwe. Uma usebenzisa afriziwe ungawancibikalisi, wafake eqinile enjalo.
Izithako (ukuhlobisa ikhekhe)
Inkomishi eyodwa (1) yoshukela osampuphu
Izipuni zokudla ezintathu (3) zikajuzi kalaluma
Ikota (1/4) yethispuni yeVanilla Essence
Indlelakwenza (Ikhekhe)
Shisisa uhhavini ngokuwubeka ku-177°C.
Lungisa ipani leBundt Cake ulibeke eceleni
Endishini enkulu, sefa uflawa, uBaking Powder, iBicarbonate of Soda, kanye nosawoti. Hlanganisa ngewhisk ubeke eceleni
Kwenye indishi, hlanganisa iyogathi, isikhumba sikalamula esigrethiwe, kanye nojuzi kalamula. Beka eceleni Kwenye indishi, ngokusebenzisa umshini, hlanganisa ibhotela noshukela ngesivinini esiphezulu, imizuzu ecishe ibe mithathu.
Faka iVanilla Essence, uqhubeke uhlanganise ngomshini.
Faka amaqanda ngalinye, uhlanganise njalo emva kokufaka iqanda
Uma usuwafake wonke amaqanda, sebenzisa isipuni ukuxuba inhlama. Qikelele ukuthi ungaxubi kuze kweqe.
Qulela ingxube yezithako ezomile nengxube yamaqanda.
Bese uthela ingxube yeyogathi phezulu. Ngokusebenzisa umshini, hlanganisa. ngesivinini esimaphakathi. Ungaxubi ngokweqile
Thela amaberry axutshiwe phezulu bese uhlanganisa ngokusebenzisa isipuni esikhulu Thela inhlama epanini, bese ubhaka imizuzu ephakathi kwengamashumi ayisithupha (60) nengamashumi ayisithupha nanhlanu (65)
Hlola ukuvuthwa kwekhekhe ngokushutheka uthi lokuvungula maphakathi nendawo nekhekhe. Liyobe selivuthiwe uma uthi luphuma lomile.
Khipa ikhekhe kuhhavini ulipholisele khona epanini cishe ihora elilodwa Likhiphe epanini emva kwehora. Liyeke lize liphole ngokuphelele. Ngesikhathi usalinde ukuthi liphole ngokuphelele ikhekhe, yenza uketshezi lokuhlobisa ngokuhlanganisa zonke izithako zokuhlobisa bese uthela phezu kwekhekhe elipholile.