Basahlola isimo ngokuvula izikole
ENingizimu Afrika bekuhlelwe ukuba izikole zivulwe iqala inyanga uNhlangulana kodwa kwagcina kuhlehliselwe kuleli sonto mhla ziyisi-8 kwephezulu. Konke lokhu kuvulwa kwezikole akwenzenkanga ngaphandle kokungabaza kubazali nezinyunyana zothisha kodwa ekugcineni kwenzekile. Okuvelayo kuleli sonto ukuthi naseEngland kukhona ukungabaza okukhona mayelana nokuvulwa kwezikole.
UNgqongqoshe Wezempilo kuleliya lizwe, uMnu uMatt Hancock, ubike ukuthi kwenziwa uphenyo ngokwanda nokusabalala kokhuvethe kubafundi nothisha okuzosiza ohlelweni lokuvula izikole ngezigaba. Isinqumo sokuvulwa kwezikole sihlangabezwe imibono ehlukene kakhulu ngenxa yokuthi iBritain ilona lizwe elibalwa njengelesibili emhlabeni ngabantu asebebulawe ukhuvethe. Uphenyo luzobheka ukuthi lisabalele kangakanani leli gciwane phakathi kwabafundi ababonisa izimpawu zokuba nalo nalabo abangenazo izimpawu zalo.
“Lolu phenyo luzobheka imibiko ejwayelekile yokhuvethe ukuze sizokwazi ukulekelela abazali, abafundi nothisha siphinde sazise ikomiti elibhekene naleli gciwane” kusho uHancock. Abafundi beminyaka ehlukile abavumelekile ukubuyela ezikoleni yize abanye othisha bethathe isinqumo sokungavuli izikole ngoba bekhala ngokuthi akukaphephi ukuba ezemfundo ziqhubeke. Abafundi bamabanga aphezulu kulindeleke ukuba bavule mhla zili-15 kuNhlangulana.
Emuva kwezinyanga ezintathu izikole zivaliwe ngenxa yesimo saThaqa esasibekwe nguHulumeni eNingizimu Afrika ngenxa yemizamo yokunciphisa ukwanda kokuthelelana kwegciwane leCorona ngenyanga uNhlaba uNgqongqoshe Wezemfundo ePhansi u NKK uAngie Motshekga wabikela izwe lonke ukuba izinhlelo zoMnyango Wezemfundo zazithi izikole zizovulwa ngenyanga kaNhlangulane kodwa ngezigaba.
UMnyango Wezemfundo ePhansi wawuhlele ukuba izikole zivulwe uma iqala inyanga kaNhlangulana kodwa kwagcina kuhlehliselwe kuleli sonto mhla ziyisi-8 kwephezulu. Konke lokhu kuvulwa kwezikole akwenzenkanga ngaphandle kokungabaza phakathi kwabazali, izinyunyana zothisha kanye noMnyango Wezemfundo uqobo lwawo ngenxa yokuntuleka kwezimpahla zokuzivikela kodwa ekugcineni uhlelo lolu lwezemfundo lugcine selufezeka.Kodwa ngesonto lokuqala zivuliwe sekukhona imibiko yokuthi ezinye izikole seziphinde zavalwa ngenxa yokutholakala kwabafundi noma othisha abanegciwane leCorona.
Okunye okuvelile kuleli sonto ngukuthi nase-England kukhona ukungabaza okukhona mayelana nokuvulwa kwezikole.UNobhala Wezempilo kuleliya zwe, uMnu uMatt Hancock, ubike ukuthi kwenziwa uphenyo ngokwanda nokusabalala kwegciwane leCorona phakathi kwezingane zesikole nothisha okuzosiza ohlelweni lokuvula izikole ngezigaba. Isinqumo sokuvulwa kwezikole sihlangabezwe imibono ehlukile kakhulu ngenxa yokuthi iBritain ilona lizwe elibalwa njengelesibili emhlabeni jikelele uma kuqhathaniswa abantu asebebulawe igciwane leCorona ngakho izakhamuzi ezinningi zalelizwe zibone lelizwe ukuthi lisayingozi empilweni yazo. Uphenyo luzobheka ukuthi lisabalele kangakanani leli gciwane phakathi kwezingane ezibonisa izimpawu zokuba nalo kanye nalezo ezingenazo nhlobo izimpawu zalo.
“Loluphenyo luzobheka imibiko ejwayelekile yeCOVID-19 ukuze sizokwazi ukulekelela abazali, abafundi, nothisha siphinde sazise ikomiti elibhekene naleli gciwane” kusho uHancock. Abafundi beminyaka ehlukile abavumelekile ukubuyela ezikole yize othisha abanye bethathe isinqumo sokungavuli.