EZIFINGQIWE
UMnyango Wezempilo KwaZulu-Natal usugcine uvumile ukuthi izisebenzi ezingaphansi kophiko lwawo lwezimo eziphuthumayo, i-Emergency Medical Rescue Services (EMRS), ukuba zihlolelwe ukhuvethe kuzona zonke izikhungo kulandela ukuvalwa kwezikhungo zama-ambulense KwaMashu, eClairwood nasoThongathi ngesonto eledlule. Lokhu kuze emuva kokuba kukhona izisebenzi ezitholwe zinaleli gciwane.
UMgqugquzeli weNational Union of Public Service and Allied Workers (Nupsaw) KwaZuluNatal, uMnu uSifiso Dlamini, uthe uMnyango uqale wavala isikhungo saKwaMashu emuva kokuba izisebenzi zibeke phansi amathuluzi zifuna ukuba izakhiwo zihlanzwe ngezibulalimagciwane futhi zonke izisebenzi zihlolelwe ukhuvethe.
Okhulumela uMnyango esifundazweni, uMnu uNtokozo Maphisa, uthe ngokulandela umthetho uMnyango wakhe awukwazi
EThekwini:
ukuqinisekisa uma kukhona osetheleleke ngokhuvethe kodwa uNgqongqoshe Wezempilo kuzwelonke, uDkt uZweli Mkhize, onegunya lokwenza lokho.
Uthe lapho kunesidingo uma sekuhlolwe isimo, indawo ethintekayo esesikhungweni sezempilo ingavalwa okwesikhashana ukuvumela ukuba ihlanzwe.
Kuboshwe amaphoyisa amabili asolwa ngokubamba inkunzi elinye iphoyisa nenkosikazi yalo. Kuthiwa abasolwa uSergeant uReuben Madida (48) noWarrant Officer uMachel Raedani (56) abebevele eNkantolo kaMantshi eMutale izolo, bebehlome ngesibhamu ngesikhathi benza lokhu ngoLwesithathu.
Okhulumela iNational Prosecuting Authority (NPA) uMashudu Malabi Dzhangi, esitatimendeni uthe abasolwa babekwe icala lokubamba inkunzi nelokukhomba ngesibhamu.
Icala lihlehliselwe umhla zingama-23 kuNhlangulana ukuze kutholakale umshushisi nokuthi kuqhubeke uphenyo.
Umsolwa uRaedani
ELimpopo:
usebenza esiteshini samaphoyisa saseMutale eThohoyandou kanti uMadida yena useWaterval eLouis Trichardt.
Kucekelwe phansi ngomlilo amathangi amanzi amabili obekuhloswe ngawo ukusiza izakhamuzi zaseDriziek 3 e-Orange Farm, eGoli, ukugcina inhlanzeko njengoba kuhlasele ukhuvethe.
Kuthiwa lesi sigameko senzeke ngoLwesibili ngesikhathi izakhamuzi zinombhikisho zikhalaza ngezinkinga zamanzi nogesi ezithi zibhekene nazo. Zisola uHulumeni ngokuzishaya indiva.
UMnyango Wezamanzi Nokuthuthwa Kwendle uthi izakhamuzi zase-Orange Farm zithola amanzi kuMasipala iJohannesburg futhi nawo uzithumelile izimoto ezithwala amanzi ukwelekelela.
Okhulumela uMnyango uHosia Sithole uthe ukuhambisa kwabo amanzi kule ndawo kwakulandela ikhwelo elahlatshwa nguMengameli uCyril Ramaphosa ukuthi kuqinisekiswe ukuba imiphakathi enenkinga yamanzi iyawathola ahlanzekile
E-Orange Farm:
ukulwa nokubhebhetheka kokhuvethe. Ukushiswa kwala mathangi kuwukhathazile uMnyango.
Abazali babafundi abali-19 baseGrey College Secondary eCape Town abahlaliswe ngabodwana emuva kokuba kutholakale ukuthi batheleleke ngokhuvethe sebe sabise ngesivimbelo senkantolo oNgqongqoshe bezeZempilo, oweZemfundo Yamabanga Aphansi noWokubusa Ngokubambisana Nezindaba ZoMdabu.
Incwadi yabameli babo ithunyelelwe labo Ngqongqoshe yinhlangano engenzinzuzo i-AfriForum emele laba bazali kulokhu igcizelela ukuthi abazali bakulesi sikole sabadla izambane likapondo abafuna ukuzigcinela izingane zabo abavunyelwe ukukwenza lokhu.
Kuyimanje laba bafundi bagcinwe endaweni yezivakashi eBloemfontein futhi labo Ngqongqoshe sebeyiphendulile incwadi ababhalelwe yona. Kuthiwa laba bafundi batshelwa ukuthi bazoba “yimpahla kaHulumeni izinsuku ezili-14.
ECape Town: