IKHEKHE LEWOLINTSHI

Izithako (Ikhekhe)

Izinkomishi ezimbili nengxenye (2 ½) zikaflawa Amathispuni amabili nengxenye (2 ½) kaBaking Powder

Amaqanda amakhulu amane (4) Inkomishi eyodwa nengxenye (1 ½) kashukela omhlophe

Inkomishi eyodwa (1) kawoyela (ngincoma uwoyela weCanola)

Ama-300ml kajuzi wewolintshi (ziputshuzele wena amawolintshi, kungabi ujuzi othengiwe)

Isikhumba esigrethiwe samawolintshi amathathu (3), aphakathi nendawo ubukhulu

Ithispuni elilodwa (1) leVanilla

Essence

Indlelakwenza

Shisisa uhhavini ngokuwubeka ku 180°C. Lungisa ipani leBundt Cake okanye amapani ezinkwa amabili uwabeke eceleni.

Endishini, sefa uflawa noBaking Powder, ubeke eceleni. Kwenye indishi, faka amaqanda kanye noshukela bese uhlanganisa ngomshini cishe imizuzu emihlanu ngesivinini esiphezulu. Kubalulekile ukuthi uhlanganise amaqanda akho aze abemhloshana.

Yehlisa isivinini emshinini wakho bese ufaka uwoyela, uqhubeke uxube.

Faka ujuzi wewolintshi, isikhumba esigrethiwe kanye neVanilla Essence, uhlanganise ngephini.

Thela izithako ezimanzi kwezomile bese uhlanganisa ngephini. Qiniseka ukuthi ungahlanganisi ngokweqile. Thela inhlama epanini leBundt Cake noma kwawezinkwa bese ufaka kuhhavini.

Bhaka imizuzu ephakathi kwengamashumi amane (40) nengamashumi amahlanu (50). Ukuhlola ukuthi selivuthiwe yini ikhekhe, shutheka uthi lokuvungula. Uma luphuma lomile kusho ukuthi selivuthiwe ikhekhe.

Khipha ikhekhe kuhhavini ulipholise ngaphandle.

Uma selipholile ikhekhe, ungalivuvuzela ngoshukela osampuphu, ukulihlobisa.