Abafundi baphawula ngezinsolo zenkohlakalo
Mhleli
Usehlelelwa esinye isikhundla azobuya azofakwa kuso ngoba vele uzotholwa emsulwa noma angatholwa enecala kuyobe kufana nanokuthi umsulwa ngoba ngeke aboshwe ukusuka lapho uzonikwa umnyango azophinda ayozisikela kuwo emva kwalokho nozwa kuthiwa useyinxusa lakuleli zwe zweni thizeni futhi kudlaliwe ngehluphekayo ngoba nothole ithuba lokumela abantu bakithi kulezi cagogo ezibizwa ngamaboardroom zifike ziyishintshe yonke into eziyithunywe umphakathi.
- nguMotherland Jakobhe Mhleli
Sinindwe ngodaka emehlweni, bese kwenzakalani emva kokumiswa kwakhe? Kwabulawa abantu eSidimeni, eMarikana, uKhosa wabulawa ngamasosha kwangandaba zalutho. Angiyiphathi inkohlakalo, engahlukene nokweleleswa kwezakhamizi zezwe, okungadikizi nqulu kumuntu, ungathi baxephula umkhoma benza into okumele nefanele bayenze.
- nguNhlanhla Shandu Mhleli
Akulutho lokhu ngale kokukhohlisa nje abantu. Engani nangu uPravin Gordan watholakala ukuthi uyathinteka enkohlakalweni nokuzisungulela ezobunhloli zakhe kwaSARS kodwa uMengameli akamnikanga ikhefu kepha wanquma ukuya enkantolo ayomvikela.
- nguLihle Sothole Mhleli
Akuphenywe zonke izinkampani ezithole amathenda okhuvethe, kungakhethwa iphela emasini. Ngaleyo ndlela kuzobonakala ukuthi abekho yini abanye abathintekayo.
- nguSir-Oscar Maduna Mhleli
Uma umuntu esolwa ngecala uphenywa amaphoyisa iyadida lento ye-ANC ukuthi njalo nje uma umuntu esolwa bathi bona basenza uphenyo kanti yini umsebenzi wabaseshi uma bezoziphenyela bona?
- nguJapie Gule Mhleli
Angisethembi lutho kulobu buholi esinabo, bayabantshontshela abantu abahlwempu khona kulolu khuvethe kuyabhujwa. Ikakhulukazi lezi esihamba nazo ziyihlazo.
- nguBongani Mageba Mhleli
Inkohlakalo egcwele kuHulumeni ka-ANC idida umthandazi, nansi nje iKhomishini kaMehluleli uZondo kuphambana izikhulu zombuso kuyo, sihlaselwe ukhuvethe bona badla imali. Sekwanele uRamaphosa ulukhuvethe olwendlula lolu ngeke phela kuqhume ehhovisi lakhe kodwa kuthiwe yena akazi.
- nguVelile Msilawevondwe ENtumbane
Mhleli
Libole phuhlu leli zwe, impela ufishi uqala enhloko ukonakala. Yeka ukumethemba okungaka lo Mengameli owathi uzolwa nenkohlakalo ethembisa ukubuyisa yonke imali eyebiwa kuboshwe namasela.
- nguChris Shabangu Mhleli
Bengicabanga ukuthi lo okuthiwa uyinkosi yokweba ubaba uZuma akasekho asisezukuzwa ngenkohlakalo. Kanti wakhishwa inyumbazane ngoba kwenzenjani uMsholozi?
- nguJeremia Ngubane Mhleli
Kosisiza ukubuyisela leliz we ukuba liholwe owebala elimhlophe ngoba sekucacile bahlulekile abaholi futhi inkohlakalo idla lubi.
- nguMartin Molope Mhleli
Engikbonayo isigcino uzosula esikhundleni ahambe ayozidlela lemali eyisigidi esili-R125 nomyeni wakhe ngokuthula kuphele ngetswayi. Uzobuya futhi uma sekupholile bambhekele esinye iskhundla. Noma bangamxosha noma bengenzani okusalayo imali isingakubo futhi akekho ozobaphuca.
- nguJustice Themba Mhlongo Mhleli
Asivumele abamhlophe bathathe izwe labo ngoba laba abakithi sebengenze ngaze ngabona kuthi kungani abebala bethi siyizimfene ubumfene ilobuke.
- nguLwazi KaNxumalo KoZwide
Mhleli
Namanje ngsasho kulobu bumnyama esidunguza kubona siyozikhipha thina angeke kusuke indoda ngaphesheya komfula izosikhulula siyozikhulula thina njengoba kwenza amaqhawe akithi azidela ukuze akwazi ukucebisa imndeni yawo acasha ngokuthi alwela izwe kanti ayenzela imndeni yawo nezihlobo.
- nguScelas Khumalo Mhleli
Igama elithi inkohlakalo kubaholi ngaqala ukulizwa ngoTony Yengeni kusukela lapho-ke usuku nosuku bayaboshwa, bayaxoshwa, bayabalekiswa abanye bayabulawa uma bezenza ngcono, siyaphi nabaholi abanjena?
- nguSkhumbuzo Eskay Mhleli
Nokho sebethathe isikhathi eside, nakhona kuyacaca ukuthi nabakwenzile kungenxa yenkulumo kaMalema ebacindezele. Kuyoba nini uHulumeni wakuleli eqhutshwa i-EFF ekwenzeni okufanele?
- nguSifiso Ngobese Mhleli
Kuhle uma izinsolo sezifike kulesi sigaba sokumiswa, akube wukuthi phela uma limudla icala kuthathwe izinyathela nesigwebo esiqinile ukuze nabanye bezofunda. Saze safa inkohlakalo yalaba bantu ngathi bayaqhudelana.
- nguBhekah Caphunaksale Zidl’igwili