Amasonja / Mashonzha
Izithako
Inkomishi eyodwa (1) yamasonja omisiwe Izinkomishi ezimbili (2) zamanzi abilayo (okuthambisa amasonja)
Isipuni esisodwa (1) sokudla sikawoyela wokupheka
Inkomishi eyodwa (1) yamanzi okubilisa
U-anyanisi owodwa (1) oqotshiwe Utamatisi omubili (2) oqotshiwe (okanye usebenzise ikani likatamatisi) Ithispuni elilodwa (1) lepaprika Ikota (1/4) yethispuni yegalige ogayiwe
Ingcosana kasawoti wokunandisa Uphepha omnyama wokunandisa
Indlelakwenza
Endishini enkulu, thela amanzi abilayo bese ucwilisa amasonja, cishe ihora elilodwa (noma aze athambe).
Uma esethambile, hlanzisisa amasonja ngamanzi izikhathi eziningana.
Lapho usugculisekile ngokuhlanzeka kwawo, afake ebhodweni ozowabilisela kulo.
Thela inkomishi eyodwa yamanzi. Beka umlilo maphakathi nendawo.
Thela uwoyela wokupheka ubilise imizuzu ephakathi kweyisishiyagalombili nelishumi.
Faka u-anyanisi nogalige uhlanganise ngokhezo. Qhubeka ubilise imizuzu ecishe ibe mihlanu.
Thela ugalige, utamatisi ipaprika, usawoti kanye nophepha uhlanganise ngokhezo. Yeka eziko, kubile eminye imizuzu ethi ayibe yisishiyagalombili.
Yehlisa umlilo uqhubeke ubilise ingxube yakho kuze kube ngathi iyashuba.
Thokozela isidlo sakho njengesishebo ihambisane nophuthu okanye uwadle wodwa.
Amasu
Uma ufisa ukudla amasonja akho ngendlela abawadla ngayo ezindaweni eziningi esifundazweni iLimpopo, ungenza uphuthu lwakho lube muncwana. Ukwenza lokhu, thela isipuni sikaviniga omhlophe emanzini owabilisela ukwenza uphuthu lwakho. Ezinye izithako zophuthu ziyefana, aziguquki.