Kuphikiswa ukugcotshwa kukaMengameli wezwe
UMengameli waseBelarus, u-Alexander Lukashenko, ufungiselwe ihlandla elisha kodwa abaholi bamaqembu aphikisayo bathi ukugcotshwa kwakhe akukho emthethweni ngakho bahlongoza ukuthi iqhubeke imibhikisho kuleli zwe uLukashenko aselibuse iminyaka engama-26. Amaqembu aphikisayo amsola ngokukhwabanisa amavoti okhethweni obelungoNcwaba okuholele emibhikishweni yamasonto ayisithupha yokuthi esule esikhundleni.