Isiqephu esisha: Iphodikhasti yezemidlalo
“Awukho umdlalo okahle esimweni esingazinzile emphakathini“. Lesi kwabe kuyisiqubulo samaqembu ombangazwe aboHlanga ngezikhathi zobandlululo. Lokhu babekusho emazweni bewanxenxa ukuba akhiphe iNingizimu Afrika inyumbazana. Isizathu salokhu kwabe kuyinqumo yobandlululo eyabe ikhipha futhi ibandlulula aboHlanga.
Umlayezo lapha wabe uqondile ukuthi ezemidlalo ziyilungelo lawo wonke umuntu. Ekuqhubeni leli vangeli iPhodikhasti yeBayede kuleli sonto yethula uNeku nokuyisiqephu sezemidlalo nayilapho abafundi bezothola izindaba nokuhlaziywa kwemidlalo enhlobonhlobo.
Le Phodikhasti izobe ihlelwa futhi yethulwa ngesinwe nguMhleli Wezemindlalo uSihle Ndlovu. UGatsheni ungumbhali wezemidlalo osesebenze njengentatheli iminyaka eli-17. Uyintatheli ekwazi ukubhala ngonobhutshuzwayo, ikhilikithi, yibhola lombhoxo, ezokusubatha, ithenisi negalofu.
Uke waba nguMhleli Wezemidlalo ephephandabeni eliphuma nsuku zonke.
Ephawula ngoNeku, uNdlovu uthe: “UNeku luzogxila kukho konke okwenzeka kwezemidlalo, unobhutshuzwayo, ibhola lombhoxo, ikhilikithiki, isibhakela neminye imidlalo. Lapha sizothinta okwenzeka phakathi ezinkundleni nokwenzeka ngaphandle kwazo. Sizothinta ukujijimezana kwabaqeqeshi nabadlali ngaphambi kwemidlalo, ngesikhathi semidlalo nokhuluma okuhlale kuvela ngemuva kwemidlalo. Kepha okumqoka wukuthi sizofukula ezemidlalo ezindaweni zasemakhaya nasemalokishini,” kusho uGatsheni.
Abafundi bangathokozela iziqephu ezahlukene kuPhodikhasti yeBayede kuwww.bayedenews.com