Umlando weLamontville Golden Arrows ebholeni kuleli
Yasungulwa ngowe-1943 emgwaqeni waseLamontville eThekwini. Ngonyaka we-1970 leli qembu ladlala kuNational Professional Soccer League (NPSL), ngowe-1976 ladliwa izembe. Kuthe ngonyaka we-1980 lahlakazeka ngenxa yezinkinga ezithize.
Nokho ngonyaka we-1996 umndeni wakwaMadlala wathenga igama leNtokozo FC eyayidlala esigabeni sesibili, iqembu labe selibizwa ngeLamontville Golden Arrows.
Ngowezi-2000 yanyuselwa esigabeni esiphezulu kuPSL emva kokunqoba iNational First Division Coastal Stream. Yanqoba indebe yomqhudelwano iMTN 8 ngonyaka wezi-2009, lapho yabhaxabula i-Ajax Cape Town ngamagoli ayisi-6 eqandeni kowamanqamu. Ngowezi-2011 yanqoba iPremier’s Cup.
Yagawulwa izembe ngesizini yangowezi-2013/2014. Ibuyele kuPremiership ngesizini yangowezi-2014/2015.