Isivumelwano soxolo sethembisa uzinzo eSudan
UHulumeni owabelana amandla wakuleli lizwe namaqembu amaningi amavukelambuso ngeledlule enze isivumelwano soxolo okuhloswe ngaso ukuxazulula izingxabano esezithathe iminyaka eli-10 esezidlule nemiphefumulo yabantu abayizinkulungwane kwathi izigidi zanyamalala abanye babaleka.
Ngemuva kwezinyanga eziningi zezingxoxo ezazisingathwe yiSouth Sudan, amaqembu amathathu amakhulu asayina isivumelwano sokuqala ngoNcwaba, amabili awo evela esifundeni esisentshonalanga neDarfur elilodwa eningizimu neDarfur. Elinye iqembu elinamandla lamavukelambuso iSudan People’s Liberation
Movement-North eholwa nguMnu u-Abdelaziz al-Hilu, elingazange lilibambe iqhaza ezingxoxweni zokuqala, livumile ngenyanga edlule ukuba liyingxenye yezingxoxo ezintsha.
Isithunywa esikhethekile sase-United States of America (USA) esiqondene neSudan neSouth Sudan, uMnu uDonald Booth, sithe: “Le mpumelelo eyingqophamlando ixazulule ingxabano nokuhlukumezeka kwabantu kweminyaka, izodinga futhi ukuzibophezela okuqinile nokungantengi ukuqinisekisa isivumelwano esigcwele futhi singabambezeleki.”
OMengameli base-Ethiopia naseChad noNdunankulu baseEgypt nase-Uganda bebephakathi kwezikhulu zesifunda kanye nabezombusazwe ababehambele lo mcimbi.
UMnu uTut Gatluak, ongumlamuli omkhulu waseSouth Sudan, uthe inhloso bekuwukusayina isivumelwano nawo wonke amaqembu ahlomile. ISudan ibihlaselwe izingxabano iminyaka eminingi. Ngemuva kokuhlukana phakathi kwaleli zwe kwakheka iSouth Sudan ngowezi-2011 okwakuyizwe elalinothe kakhulu ngowoyela, kwaholela ekutheni kube nemibhikisho eminingi eyagcina iholele ekuqunjweni phansi kukaMengameli u-Omar Hassan al-Bashir ngowezi-2019.
Abaholi abasha baseSudan okuhlanganisa izakhamuzi namasosha kusukela ekususweni kukaBashir bathi ukuqeda izingxabano kuyinto eseqhulwini.
Lesi sivumelwano sibeka imigomo yokufakwa kwamavukelambuso embuthweni wezokuphepha aphinde amelwe kwezepolitiki futhi abe namalungelo ezomnotho nawomhlaba. Isikhwama esisha sizokhokha izigidi ezingama-$750 njalo ngonyaka iminyaka eli10 ezifundeni ezinobubha eziseningizimu nasentshonalanga kwaphinde kwaba nethuba lokubuyiswa kwababaleka