Ayikho efuna ukugoba uphondo phakathi kwe-Armenia ne-Azerbaijan
I-Armenia ne-Azerbaijan ngesonto eledlule basolane ngokudubula ngqo ensimini noma endaweni yomunye, kwagcina sebenqabe ingcindezi yokubamba izingxoxo zokuthula njengoba ukungqubuzana kwabo ngendawo yaseNagorno-Karabakh kungahle kuqubule impi enkulu.
Womabili la mazwe abike ukuthi elinye lidubulile ngaphesheya komngcele wabo owabiwe wasentshonalanga yesifunda iNagorno-Karabakh lapho okuqubuke khona ukulwa okukhulu phakathi kwama-Azeri namabutho aseArmenia emasontweni amabili edlule. Lesi sehlakalo sikhombise ukuqhubeka kokwanda kwengxabano nokusondela kokubhekana ngeziqu zamehlo kwala mazwe ngisho amazwe afana neRussia, i-United States of America (USA) namanye ephakamasia ukuthi kube nokuthula phakathi kwala mazwe.
UMengameli wase-Azerbaijan, uMu u-Ilham Aliyev, ekhuluma ezindabeni zaseRussia wakubeka ngokusobala ukuthi ngeke kube nezingxoxo phakathi kwala mazwe, kwathi uNdunankulu waseArmenian, uMnu uNikol Pashinyan, naye ekhuluma kwabezindaba wathi izingxoxo zokuthula ngeke zibe khona uma kusekhona izingxabano phakathi kwala mazwe.
Ukwanda kokuthi izingxoxo phakathi kwala mzwe ngeke zibe khona, ngeledlule iTurkey inqabe ukumiswa kokulwa eSouth Caucasus, lapho yeseka khona i-Azerbaijan, ngemuva kwesonto elibe nezimpi ezinzima empini yabo nabohlanga lama-Armenian esigodini seNagorno-Karabakh.
Ngenkathi iRussia, i-USA neFrance begqugquzela ukuthi kuphele ubutha, izwe elinamandla kulesi sifunda iTurkey lona leseka ama-Azeri futhi elikuphinde kaningi lokho abakubiza ngama “Armenian occupiers” lapho begcizelela khona ukuthi mabahoxe.
I-Armenia ngesonto eledlule ithe izimisele ukusebenza namazwe amathathu amakhulu ukuthola ukuthula phakathi kwala mazwe. Kodwa uMengameli waseTurkey uMnu uTayyip Erdogan uthe ngeke babambe iqhaza ekutholeni ukuthula kule ndawo waphinda wathi izwe lakhe liyabasekela “abacindezelwe” eSouth Caucasus.
UNgqongqoshe Wezangaphandle eTurkey, uMnu uMevlut Cavusoglu, ekhuluma nabezindaba uthe iRussia ingaklama indima yokulamula ukulwa “kuphela uma ingathathi hlangothi”.
“Izimfuno ezingekho emthethweni zokuqedwa kobutha ngokushesha kanye nokuqedwa kwempi ngeke zibe lusizo kulokhu,” kusho uNgqongqoshe
IRussia inesivumelwano sezokuvikela ne-Armenia kodwa futhi ibuye ibe nobudlelwano obuhle ne-Azerbaijan.
Esifundeni iNagorno-Karabakh, okugcwele kuso abohlanga lwamaArmenia ngesonto eledlule kuphume imibiko yokuthi abantu abangaphezu kwama-51 bese bebulewe empini neAzerbaijan, okukhombisa ukukhula okukhulu kwabantu abashonile ngesonto elilodwa kule ndawo yempi.