IGALIKUNI ELITHOTHOMBALISIWE LAMAWOLINTSHI NAMAHEBHU
Izithako
Iwolintshi elisikwe phakathi nendawo Iqhuzu elilodwa leChicken Stock pot Izinhlobonhlobo zamahebhu angama60ml uma sezihlanganisiwe (ngivame ukusebenzisa iParsley, iRosemary, iSage neThyme).
Ama-30ml anoma yiluphi uhlobo lweOlive Oil onalo.
Izigaxa ezimbili zika-anyanisi eziqotshwe zaba ngamakota. Ama-2,5ml kaPepper omnyama. Igalikuni elingama-4kg noma ama-5kg isisindo. Indlelakwenza
Hlanza igalikuni lakho ngamanzi, uqinisekise ukuthi lihlanzeke ngokuphelele. Lomise ngendwangu ehlanzekile.
Shisisa uhhavini ngokuwubeka ku-2000 Celsius.
Endishini encane, putshuza ujuzi wengxenye eyodwa yewolintshi bese ubeka eceleni.
Kwenye indishi, ncibilikisa ngokuphelele iChicken Stock emanzini abilayo amancane.
Faka amahebhu, uPepper omnyama, i-Olive Oil kanye nojuzi wewolintshi lo owubeke eceleni bese uhlanganisa ngokuphelele ngokhezo.
Ngokusebenzisa ibhurashi okanye isandla, ninda igalikuni ngale ngxube. Zama ukuninda ingaphandle kanjalo nengaphakathi lesikhumba segalikuni ukuze nomkhwepha uthole ukunambitheka. Ingxube esele uzoyisebenzisa ukulokhu uninda ngayo ngenkathi liphekeka igalikuni.
Shutheka u-anyanisi kanye nengxenye esele
yewolintshi ngemuva.
Ngokusebenzisa intambo, songa igalikuni lakho ukuze lingasabalali.
Beka igalikuni epanini lokurosta. Pheka igalikuni imizuzu engamashumi amane nanhlanu bese wehlisa ukushisa ukubeke ku-1800 Celcius. Qhubeka upheke amahora cishe amabili. Sebenzisa le ngxube esalile ukuninda ngenkathi upheka. Qiniseka ukuphendula ipani njalo uma uqeda ukuninda. Lokhu kuzokwenza ukuthi zonke izinhlangothi ziphekeke.
Khipha inyama yakho kuhhavini, bese ulisonga ngefoil uliyeke kancane ukuze kuhlangane kahle izithako ngaphambi kokudla. Amasu
Ngenxa yokuthi ukushisa kukahhavini
kungashintsha ngokuhamba kwesikhathi, hlola ukuvuthwa kwegalikuni lakho ngokushutheka ummese obukhali endaweni enomkhwepha. Uma ubona ukuthi alikavuthwa kahle phakathi, yengeza isikhathi uqhubeke ulipheke, uze ugculiseke.
Uma usulikhiphile kuhhavini igalikuni ngaphambi kokudliwa, lemboze ngefoil ukuze lingomi.
Ngingajabula ukuzwa ukuthi kuhamba kanjani eziko lakho. Lokhu ungakwenza ngokungithumelela i-imeyli ku szungu@ nkzgroup.co.za