KWEZINYE IZINGXENYE
E-USA:
Iqembu lamaSenator ase-USA linxuse uHulumeni kaBiden ukuba uqhubeke ubeke ngaphansi konswinyo uHulumeni wezombutho waseMynmar okubalwa phakathi ukungena kwemali etholwe yinkampani yezamandla kaHulumeni ngenxa yokuvukela umbuso nokuhlasela ngodlame ababhikishi ababephikisana nawo lo Hulumeni.
AmaSenator uJeff Merkley, oyilungu leqembu lamaDemocrat, uMarco Rubio, wamaRepublican nabanye abane banxuse uNobhala Wombuso u-Antony Blinken kanye noNobhala Wezezimali uJanet Yellen encwadini ethi “babheke izindlela ezintsha zokuxhasa abantu baseBurma emzabalazweni wabo oqhubekayo wentando yeningi njengoba izibalo zokwephulwa kwamalungelo abantu ziqhubeka zikhula”.
Bafuna ukuthi uHulumeni kaBiden uyeke izinkokhelo ezivela emabhizinisini kufaka phakathi inkampanmi yezamandla yaseMelika iDRM Corp eyise imali kuMyanmar Oil and Gas Enterprise, noma iMOGE, okuyinhlangano eseMnyangweni Wezamandla.
IMOGE ixhasa nezimali abaholi bezombutho kubandakanya uGeneral Min Aung Hlaing, osevele engaphansi kwezijeziso zaseMelika.
E-Europe:
UMengameli waseRussia uVladimir Putin nozakwabo waseUSA uJoe Biden bangahlangana ngoNhlangulana, ngokusho kwemibiko yabezindaba kula mazwe.
Ephawula umsizi waseKremlin (Russia), ngesikhathi kushuba isimo phakathi kweMoscow neNtshonalanga. Umeluleki wenqubomgomo yezangaphandle, uYuri Ushakov waseRussia, uthe isinqumo esiqinile ngalo mhlangano asikathathwa.
“Sizothatha isinqumo kuye ngezici eziningi,” kusho u-Ushakov, inxusa laseRussia e-USA kusukela ngowe-1998 kuya kowezi-2008. Ngokwehlukana, uNgqongqoshe Wezangaphandle waseRussia uSergei Lavrov, uthe isiphakamiso sikaBiden sengqungquthela samukelwe “kahle” futhi manje siyacatshangelwa. Kuvele imibiko ethi uBiden ucele ukuhlangana noPutin ngoNhlangulana mhla zili-15 Kuya zili-16 ezweni elise-Europe.
UPutin kanye nowayenguMengameli waseMelika uDonald Trump babamba ingqungquthela eHelsinki ngoNtulikazi wezi-2018. Ngasekuqaleni kwale nyanga, uBiden unxuse uPutin ukuba anciphise ukungezwani okwashukunyiswa ukwanda kwamasotsha aseRussia emungceleni wase-Ukraine futhi waphakamisa ingqungquthela yokubhekana nesihlava sezingxabano.
ERussia:
Inkantolo yaseRussia igwebe uthisha esikhungweni sezindiza iminyaka engama-20 ebhadla ejele ngoLwesihlanu ngemuva kokumthola enecala lokuvukela umbuso, ngokusho kwale nkantolo njengoba eqhubeka amacala alolu hlobo.
INkantolo Yedolobha iMoscow ithe ithole u-Alexei Vorobyov enecala lokukhipha imininingwane yezobuchwepheshe ngokungemthetho engasetshenziswa ukwenza izikhali. Kuvele ukuthi uVorobyov ubesebenza eMoscow Aviation Institute.