Kungani osopolitiki befuna ukutuselwa umsebenzi wabo?
Mhleli
Phela yilo uphawu lokuthi abezanga ukuzosebenzela isizwe bazifunela imali nodumo losaziwayo bakhohlwe ukuthi bathunywe yiwo lo mphakathi asebefuna ubakhonze njengaMakhosi.
Enye into ebahlanyisa kakhulu yila magama esibanika wona omphathiswa, ongqongqoshe izinto abanga zifunde langa.
UCele kuse ngu K ho mi sha na Wamaphoyisa ngempela wayebagquza athi “nihamba nikhukhumala nikhohlwe ukuthi niyizisebenzi zomphakathi .... ”
Ungamuzwa namuhla ekusho lokho? - nguChris Shabangu
Mhleli
Ingoba bazicabangalela bona futhi bayathanda ukunconywa nalapho kungafanele nokuzikhukhumeza. Okunye abantu nabo babakhonza kakhulu osopolitiki. Abantu futhi abafuni ukufunda ukuze baqonde ukuthi izinto zikaHulumeni izinto okumele uzenze, hhayi ngoba esenzela umusa. Kukhona usopolitiki othandwa ngale ndlela yokuthi abantu abaningi bacabanga ukuthi izinto ezenziwa uHulumeni wayezenza ngephakethe lakhe. - nguThami Duma
Mhleli
Awukho unembeza ihambisana nokungabi nabuntu nomhobholo ubhokile, iningi labo, sekuyoze kungene abantu egwaqeni betoyitoya. Cha hhayi akusebona ubuqabane lobu ubumpatha nobuphukuphu ebuye benziwe abaholi bethu..bedla imali..
- nguMasiphula KamaHadebe Msizi
Mhleli
Kuyinqubo ejwayelekile ukuthi umsebenzi wentuthuko uma usuphothuliwe wethulwe emphakathini. Otusayo uyatusa, ongatusi akatusi kusuke kungaphoqwe muntu. - nguSabelo
Gumede Mhleli
Kule ndawo awekho yini amadoda angakwazi ukukhanda izindlu zangasese? Kanti kuyini ukhwakha indlu yangasese? Asikhuleni sifunde ukuzenzela ezinye izinto, usungaze ufune ukukhadelwa ngisho indlu yangasese.
- nguMalbongwe Mali-b Gumede Mhleli
Lokho kukubeka ngokusobala ukuthi umsebenzi wabo abawazi ukuthi yini noma le mali ekhona babona sengathi isentshenzelwe yibo ukuze ibe khona manje ngokwabo babona sengathi bayayimosha uma benzela umphakathi izidingo.
- nguN Njabulo Nzima KaMgabhi
Mhleli
Kuyinto embi uma umuntu efuna ukutuswa ngento okumele ayenze. Kuyinto engelula-ke ukukhothamela umuntu ngento vele e kuMthethosisekelo. Azishaye isifuba ngento ayazi kahle ukuthi i kuMthethosisekelo
- nguMduduzi Emmanuel Mhleli
Bajwayezwa yithi ikona nje benza konke lokhu ngoba bayabazi ubuwula bethu ukuthi bunjani. OwoHlanga uyisiwula kwesinye isikhathi ukhohliseka kalula ngenxa yendlala yesikhashana.
- nguZam Ngcobo Mhleli
Ithina quqaba esibajwayeze leyo nto kuyimanje bahlezi bebonga uRamaphosa uma kungena ama-R350 into ehleshuliwe le.
- nguMadoda Ngubane Mhleli
Futhi kwamali leyo ayiphumi emaphaketheni abo yimali yabakhokhi bentela lena akumele nokuthi size sithi siyabonga.
- nguJustice Themba Mhlongo Mhleli
Ingima emphinjeni leyo nto. Uthola ngisho abalandeli beqhosha baze batshikizise imisila uma bebala izonto ezenziwe i-ANC. Laba bantu abagcini ngokulindeleka nje ukuba belethe izidingo ezikhokhelwe ngemali yethu, phezu kwalokho sibaholela eshisiwe imali ukuthi basilethele lezi zidingo. Kunjalo bahluleka ingcaca, baqede bazosipiklela ngeyodwa into abayenzile nakhona bakhwabanise imali yamathenda.
- nguJohan Vand