UShenge uthi umile ekutheni abezokuphepha bebehoxisiwe KwaKhangela
Mhleli
Ngisaphinda ngithi i-ANC ingalokothi ithinte uZulu ngale nto yawo, angeke uMntwana asukele amampunge nje adlale ipolitiki, selokhu ngakhula uMntwana uyawazi umehluko phakathi kwepolitiki nesikhundla saseNdlunkulu futhi akaze adlale ngakho. Isicelo sami ku-ANC nombuso wayo ukuthi ayiphume ezindabeni zaseNdlunkulu vele bese bewahoxisile amaphoyisa. - nguMxolisi Igwazangubo Enquthu
Mhleli
UHulumeni waKwaZulu-Natal udlala ngegeja kuziliwe. UBukhosi bubalulekile kunepolitiki. Ubuqembu sibushiya phansi sivotele elinye iqembu kodwa ukuthi singamaZulu siyofa siyiwo into ongeke uyishintshe. Futhi seseka sivikele uBukhosi hhayi inhlangano yepolitiki. - nguSihle
Nduna
Mhleli
Kakade vele bayafuna ukuqeda nya ngoZulu kudala iSILO esebuzile sasikhala ngalaba bantu befaka nepolitiki nalapho ingafanele khona ngenhloso yokudunga imiqondo. Uma beye eNdlunkulu ubezwa bekhuluma kahle bethi azixazululwe izinkinga ngokuthula kanti ekujuleni bathi ibambe ngakho nokuba isimo sisengesithule ingenxa kaMntwana waKwaPhindangene bona nje make basixolele siwuZulu. - nguMbongeleni Njomane Mbongeleni Njomane
Mhleli
Mina bengivele ngiyibona le nto. Laba bantu bepolitiki isigijima ngemithambo yegazi le nto yokusibikela imbiba nebuzi, kokunye baze bakhulume namampunge uqobo lwawo, bezama ukufihla noma ukuziqhelelanisa nokusuke kukhulunywa kuthinta okusahlazwana. - nguPhilani KhobaMagic Makhoba
Mhleli
Bayasihlukumeza oNtuli benoKhuzeni ngoba iSILO basibeka engcupheni ngamabomu badlala le politiki yabo. OkaMathole akabalanga nhlangano kodwa i-ANC KwaZulu-Natal iyona ephawule kuqala baze babizana ngoKhomledi bephawula bencoma amanga kaNtuli. - nguDlokovu Ka
Ntusi
Mhleli
UNtuli noZikalala sebedlala ipolitiki eshibhile nje manje bayakhohlwa ukuthi yebo iqembu labo siyalivotela siyalithanda futhi kodwa uBuholi beNdabuko buza kuqala kithi. Ayidingeki ipolitiki uma sekukhulunywa ngoBuholi beNdabuko kudingeka iqiniso kuphela. - nguLindokuhle Macuacua Sandile
Mhleli
Uma kuziwa eNdlunkulu ingeyethu sonke akusiyo eyombangazwe bangakukhohlwa lokho kanjalo noNdunankulu kaZulu ungowethu sonke singaboHlanga angeke akhulume iphutha ngokwenzekile koMkhulu. - nguKwanda Igcokama Lamantimande Ngwenya
Mhleli
Le ANC yenza ukukhohlakala ngoba ifuna thina Zulu sihlukane phakathi, abawuvotele nje kodwa akobe abavoti bayayibona inkohlakalo abayiqhubayo ngokuwuvotela. Anginamona ngithi phambili Ndunankulu wethu maZulu. - nguSelby
Thabani
Mhleli
Nami ngiyaphika ubengeke aqambe amanga uDkt uButhelezi akushilo vele lawa maxoki ukhona lona abebefuna abekwe abazomlawula kwangahamba ngokufisa kwabo. - nguNondu
Khumalo
Mhleli
Siyawazi la maqili ezepolitiki kodwa-ke ahambe kabi kulokhu sesihlakaniphile nathi siwubona wonke umnyakazo abawenzayo iNkosi yethu le ebekiwe singayifela futhi singuZulu. Abaqhele endleleni yeSILO. - nguNduna Sobantu
Mhleli
Kunento abangayiqondi laba bantu bepolitiki ukuthi kuthina ubuholi boMdabu namasiko ethu kuza kuqala ngaphambi kwala maqembu abo. - nguSifiso
Nyambose
Mhleli
Nokho mancane amathuba okuthi uShenge angasenga ezimithiyo. Kuyacaca ukuthi kukhona izikhulu ezingaphansi kukaKhuzeni noNdosi ezenze iphutha zakhipha amaphoyisa angabaqaphi ezikhulu eSigodlweni sikaNdaba.
- nguSkhumbuzo Zulu
Mhleli
Mana njalo Baba uShenge sinawe thina, okushiwo uKhongolose kunuka ipolotiki phu. Qina Shenge nalokhu kuzodlula. - nguJoseph
Lucky Khumalo
Mhleli
Mina nje ngithi uyindoda Shenge, Sokalisi uwumelile uZulu kukubi wangahlehla sebengakhuluma konke okubi ngawe kodwa ube yiqhawe kuZulu wonkana.
- nguSimphiwe Sithole
Mhleli
UMntwana angeke aqamba amanga. Uyindoda ethembekile, indonda esingayethemba. Uma eqinisweni noma sekunjani. Kuyishwa ukuthi akazange abe nguMengameli wezwe ngabe iNingizimu Afrika ikude kumanje. - nguMike Shongwe
Mhleli
UThixo neziNyadezulu baze basigcinele wena zikufihle ngaphansi kwekhwapha lazo Mbabazane emahaqa. Uwumele uZulu futhi selokhu wawumela kusukela emandulo ngeqiniso. - nguLihle Sibiya Mntambo