Ukuxegiswa kokusebenzisa izifonyo kuthokozelwe abamaRepublican e-USA
Abeqembu lamaRepublican ku-US Congress basabele ngenjabulo futhi bakhumula izifonyo ngoLwesine ngemuva kokuthi iZikhungo Zokulawulwa Nokuvimbela Izifo zeluleke ukuthi abantu abagonyelwe ukhuvethe ngokuphelele bangayeka ukuzigqoka ngisho ezindlini ezikhathini eziningi.
“Sikhululekile ekugcineni,” kusho umholi weSenate eqenjini lamaRepublican uMitch McConnell (osesithombeni) ngesikhathi ephuma egunjini, ngokusho kwentatheli yephephandaba iThe New York Times, efake kuTwitter isithombe sikaMcConnell.
Ngaphakathi kuSenate, uSusan Collins, naye oseqenjini lamaRepublican, ubonakale ephephezelisa isifonyo sakhe emoyeni ebungaza.
Endlini iHouse of Representatives amalungu amaningi abonakale esagqoke izifonyo ngesikhathi samavoti ntambama. Kepha omunye wabo uvukile, engasifakile wabhikisha.
“Somlomo… Ngicela ukuthi uma kunikezwe ukuqondiswa kweCDC okuvuselelwe, sonke sikhumule lezi zifonyo eziwubuphukuphuku,” kusho obemele iqembu lamaRepublican uBrian Mast, ekhomba isifonyo sakhe esihlalweni ngemuva kwakhe.
Izifonyo zaba yindaba enkulu yokuphikisana kwezepolitiki phakathi nobhubhane olubulale abantu baseUSA abangaphezu kwezi-585 000 abangaphezu koyedwa kwabangama-600 – abeqembu lamaRepublican ababephikisa ukuthi izeluleko zezikhulu zezempilo zomphakathi zokuthi isifonyo singanciphisa ukusabalala kokhuvethe kwephula inkululeko yomuntu ngamunye.
OwayenguMengameli uDonald Trump, oyiRepublican, wayephikisana nezifonyo futhi wayevame ukubujivaza ubunzima besifo.
UMengameli waleli lizwe oyiqembu lamaDemocrat uJoe Biden, obeke ukubhekana nalolu bhubhane njengento ephambili, wamukele izifonyo futhi wazibeka ukuthi zigqokwe abantu uma behamba ngoLwesine olwedlule.
UBiden ugubhe umhlahlandlela obuyekeziwe ovela kubaphathi bakhe ngokuchitha owakhe.
Amalungu angaphezu kwama-30 eCongress athola lesi sifo kwathi oyedwa uRon Wright waseTexas sambulala ngoNhlolanja.
USomlomo weDemocratic House uNancy Pelosi, akaphendulanga ngesikhathi ebuzwa ukuthi ngabe izifonyo sezingasuswa yini manje.
Ezinsukwini ezimbalwa nje ezedlule, uPelosi umemezele ukuthi kuzodambiswa imithetho efuna ukuthi bonke abenzi bomthetho nezisebenzi bagqoke izifonyo phansi kweNdlu, ngakho-ke abomthetho bazozikhumula uma bkhuluma ngesikhathi senkulumompikiswano.