KWEZINYE IZINGXENYE
E-ITALY:
UPapa uFrancis unxuse ukuthi kuphele ukungqubuzana okwenzeka kwaIsrael naseGaza, wathi ukufa kwabantu abaningi abangenacala kulezi zinsuku ezedlule, kubandakanya nezingane, akwamukelekile.
“Nginxusa ukuthi kube nokuthula, nalabo abanesibopho sokuqeda umsindo wezikhali futhi bathathe indlela yokuthula,” esho enkulumweni yakhe yamasonto onke eya kwabathembekile abebehlangene eSaint Peter’s Square.
“Baningi abantu abangenacala asebeshonile, phakathi kwabo kukhona nezingane. Lokhu kubi kabi. Akwamukeleki. Ukushona kwabo kuyisibonakaliso sokuthi (abantu) abafuni ukwakha ikusasa, kodwa bachitha...ngiyazibuza ukuthi inzondo nokuziphindisela kuzoholela kuphi?” kusho uPapa.
EZE-UNITED NATION:
UMkhandlu Wezokuphepha we-United Nation (UN) uhlangene ngokwanda kodlame kwaIsrael nasePalestine - okuwumhlangano wesithathu esikhathini esingaphansi kwezinsuku eziyisikhombisa kanti iseshini yawo yokuqala yomphakathi izovulwa nguNobhala-Jikelele we-UN. Ngaphandle kokunxenxwa ngoLwesihlanu ukuthi zonke izinhlangothi zimise ukulwa, ukuqina kokushintshana phakathi kwamasotsha akwa-Israel neHamas kuye kwanda kuphela. Ukuhlasela ngokwezomoya kweIsrael eqhumise ibhilidi eGaza elihlala izinhlangano ezahlukahlukene zezindaba, kubandakanya i-Associated Press ne-Al Jazeera, ngoMgqibelo kwethuse wonke umuntu. Isibalo sabantu basePalestine esebebulewe sesenyukele ngaphezulu kwe180, kuhlanganisa nezingane ezingama-52, kanti kwa-Israel sekushone abantu abayi-10 kubalwa ingane nesotsha.
Umhlangano woMkhandlu kungenzeka ubone i-United States ishiywe yodwa njengomvikeli oqinile wakwa-Israel emhlabeni jikelele njengokuphatha kukaMongameli uJoe Biden, ngenkathi edlulisa ilungelo lakwa-Israel lokuzivikela ebuningini bamarokhethi eHamas, nayo izwakalise ukukhathazeka ngokwanda kwabantu ababulawa umphakathi nokuqhubekayo udlame lomphakathi olusakazeka kwa-Israel nase-West Bank.
E-INDIA:
Ezinye izifundazwe zakuleli lizwe zithe ngeSonto zizokwelula imvalelwekhaya ngenxa yokhuvethe ukusiza ukunqanda lesi sifo, esesibulale abantu abangaphezu kwezi-270 000 ezweni, njengoba uHulumeni wesifundazwe wethembisa ukuqinisa imishanguzo yokugoma. Isibalo sabantu abashonile ngenxa yokhuvethe emahoreni angama-24 adlule (Ngomgqibelo) e-India sikhuphuke saba ngaphezu kwezi-4 000 okwesine ngeviki, kanti ngeSonto ngamagciwane amasha ayizi-311 170 amele ukukhuphuka kosuku olulodwa okuphansi kakhulu emasontweni angaphezu kwamathathu. Izikhulu zezempilo zezwe lonke zixwayise nganoma ikuphi ukungazinaki ekukhuleni kwezifo, nokho, futhi zanxusa izifunda ukuthi zengeze izindawo zokunakekelwa kwabagula kakhulu futhi ziqinise izisebenzi zazo zezokwelapha. Izifundazwe ezisenyakatho zeDelhi neHaryana zandisa imvalelwekhaya, okulindeleke ukuthi kuphele ngoMsombuluko, ngesonto elizayo.