Ngabe uZuma ungena esilaheni nje uyophuma ephelele noma eseyizibhucu?
Mhleli
Ngokubuka kwami uNxamalala uyophuma ephelele futhi egijima nje, ngikusho lokho ngoba la macala abukeka ethinta izinhlaka eziningi zombuso kanye nedlanzana labaholi abaqavile kuKhongolose, ngaleyo ndlela kuzofanele avikelwe asithwe ngandlela zonke. Ngokubuka kwami ukuphuma kwesinqumo kuleli cala kuzodonsa kakhulu, yena uNxamalala uzophuma eqanqalaza kulolu gibe. - nguMxolisi Igwazangubo Enquthu
Mhleli
Ngibona sengathi bafuna ukuyinquma bayihlinze ngokushesha ngizwa bethi abezindaba banikwe imvumo yokusakaza konke okwenzekayo ngaphakathi manje ngisola sengathi bafuna ukuyinquma bese bethi cha icala lahamba ngendlela evulelekile akukho okwakufihliwe. - nguSello Motlhake
Mhleli
Ngokwami ukubuka ucuphela ezokushushisa unoxhaka ngobufakazi asholo phezu kwabo ukuthi kunenhlese yepolitiki ukushushiswa kwakhe. Manje umvundla zizowunqanda uma ezokushushisa zike zacela isikhathi sokuqondisisa okuqukethwe uMsholozi aphebeza ngako ukushushiswa kanti nabo abezokushushisa baye enkantolo kukhona abakulindele kwabamele uMsholozi. - nguZanele Buthelezi
Mhleli
Ngicabanga ukuthi iyophuma konakele, kukhulu alele phezu kwakho ngaleli cala lezikhali. Kade wayesho ethi uzokhuluma adalule konke akwaziyo uma kuya ngokuthi uzoqhubeka ngaphandle kwabameli kukhulu okuzovela. - nguSipho Msimango
Mhleli
Kodwa okusalayo uZuma nomndeni wakhe abaswele lutho, abadilizwa emsebenzini yithi esihluphekayo asinamali, kudliwa izimali okungabe zisiza thina, amanzi, izindlu kanye nokunye kuqashwe abantu basebenze, qhubekani nibavikele anginamona. - nguWonder Bongani
Mhleli
Into engekho le izinto zikaHulumeni akaze zibe yindlela eyodwa. Kungamampunge ukuthi uZuma uthinteka yedwa uma kukhona okusolwayo kodwa ngoba izikhali zafika, angiyiboni iNPA inecala lapha izohluleka. - nguIgcokama Fihlis’khwele Mdluli