Kudingeke akhuzelwe abantu uKhuzeni kukubi
Mhleli
Uzama ukusebenzisa ubuchule bakhe ngoba bazi kahle kamhlophe ukuthi uZuma uyena muntu onezinkumbi zabantu uma bengameseki emacaleni abhekene nawo wona lawa angekho, ngeke balibone okhethweni ngoba kwamina nje lokhu ngagcina ukuvota ngesikhathi kuzoba uMsholozi uMengameli ukuphuma kwakhe kwaba sewukuphuma kwami nami kulezi zinto kodwa uma uMsholozi engakhankasa futhi ngingalidedela futh elami kodwa hhayi ukuthi liya enhlanganweni ngoba ayinamusebenzi walutho kodwa ngingalibhekisa kuMsholozi ngqo. - nguSiyabonga Khumalo
Mhleli
UZikalala ungumdayisi ngokuthi uyazi ukuthi uZuma bayamthanda kakhulu abantu baKwaZuluNatal, usezama ukuzisondeza eduze kwakhe ngenxa yokuthi usesebenzela amavoti ekubeni ebengayingeni indaba kaZuma. Ubekuphi sonke lesi sikhathi uNxamalala bedlala ngaye? Lo nje ubefuna ukunganikwa nethuba lokukhuluma uthunywe yibo oRamaphosa ukuze bakwazi ukuheha abavoti egameni likaNxamalala. - nguBongani Shaka Msezane
Mhleli
Kunzima kupolitiki ngoba ngasosonke isikhathi kumele uhambe nohlangothi olukuqashile kuleso sikhundla sakho noma ngenhliziyo ungekho khona, kumele utshengise ukweseka lona ongaphansi kwakhe. - nguSipho
Mbatha
Mhleli
Kuyethusa-ke okwenzeka kuKhuzeni ngoba naye ubukeka ebezokweseka uNxamalala njengabanye. Kungani ukuthi phakathi kwawowonke amalungu kaKhongolose abelaphaya kukhombeke yena yedwa? Kuyacaca isono sakhe ukuthi udlelana namalungu angahambisani noZuma esifundazweni. Okwesibili, cishe ungomunye wabangazange beseke uDkt uNkosazana MaDlamini Zuma ngesikhathi kuyoqokwa owayezothatha isikhundla sikaMengameli. Ngakho iningi labantu abebeseNkantolo bambuka njengomuntu ongugedla eyihlekisa, futhi uzokwenza sengathi uzozwelana noMsholozi kanti uyambhuqa. - nguSicelo Nkosi
Mhleli
Inhlangano uKhongolose, isiyenza nje kuMsholozi akhetha ukufa nayo, ebizwa ngamagama ngesikhathi kunempi yepolitiiki. Iqhaza likaMsholozi ekutheni inhlangano inqobe isifundazwe iKwaZulu-Natal. Umbuzo uthi i-ANC ayisoze yazisola na ngokufela ngamathe abaholi bayo abasezinhlizweni zabavoti?. Akukho zinyane lemvubu ladliwa zingwenya kwacweba iziziba. Nakuba uMsholozi esephenduke ingangakazane kwabakwabo kodwa kubavoti usakhazimula njengegolide. - nguBongokuhle
Sithole
Mhleli
Njengoba kubanda kanjena nje bese mina ngiyoqhinqa ngaphandle kwenkantolo ngicula amaculo omzabalazo ngesekela indoda enganendaba nami? Ngeke uze ungibone. UNdunankulu noMengameli uZuma bahleka ndawonye esithe, akekho ohhehhemeza omunye phakathi kwabo. Yithi izilima ezihhehhemezayo. - nguNgcebo S.
Mhlongo
Mhleli
Amaxoki lawa, njengoba sebezokweseka uZuma nje bafuna ukuvotelwa, bazikahle ukuthi uZuma usenabalandeli abaningi manje benza sengathi bahamba naye kanti akunjalo bamiswe kabi ilolu khetho loHulumeni Bendawo ngoba bayazi ukuthi abalandeli bakaBaba uZuma bazowagodla amavoti abo. - nguLinda
Mangethe
Mhleli
Sekungakhalwa nje ngoZikalala iqiniso lithi uZuma usewumkhome noMagashule bebeyoxebula bonke noMahumapelo ngoba akasekho oweseka uZuma bonke balandela abalandeli bakhe abangakhathali. - nguMthandeni Manana
Mhleli
UMnu uSihle Zikalala iphixiphixi uyishaya emuva ayishaye phambili, ngolunye usuku ulwa nenkohlakalo ngolunye weseka abantu abasolwa ngenkohlakalo. Akanawo umgogodla futhi akakufanele ukuba ngumholi. - nguLucky Mkhize
Mhleli
Abantu abangasebenzisi inzondo, uZuma ungubaba koZikalala. Ubakhulisile, asikho esindlebende kwaso. Phambili Khuzeni phambili. - nguSonke De Slingo’s Funwayo
Mhleli
UKhuzeni ungamufanisa noDD Mabuza, yilezi ezahlala phansi zabuka ukuthi sizoqasheka kuliphi uhlangothi phakathi kolukaDkt uNkosazana MaDlamini Zuma neCR7. Ngoba imali ayiluthezi olumanzi. - nguHavice Abednigo
Mhleli
Kunabaholi KwaZulu-Natal abamudayisa uMsholozi. Njengoba kuphethe uRamaphosa nje yibo abantu abafana naye lo. Babethatha imali laphaya kuyovotwa. Badayisa ngoDkt uNkosazana MaDlamini Zuma. - nguSiya Mncwabe
Mhleli
Abantu abakhohliwe phela ukuthi wathini. Sebebona kusondela ukhetho sebezozama ukuzifaka ngoMsholozi, bebekuphi sonke lesi sikhathi? - nguFuthy Magwaza
Mhleli
Uma ngibacaphuna (i-ANC) bathi bayophatha kuze kubuye uJesu. Engathi akusekude afike usubona ngezenzo. Sidinga uguquko bakwethu. - nguSimphiwe Cyril
Mhleli
Kusukela kudala, amathamelangozi nezinkothangqoko ezisebenzisa izisu ukucabanga kwezombangazwe njengalo mnumzane azikaze zithandeke, awukwazi ukukhomba indlela uphinde ujike bese ulindela ukuba nogazi kubantu. Emzabalazweni awafuneki amavelashone ngoba ugcina ubukeka njengengede. - nguCollin Sandile Kansas
Khathi