Thokola themba ngerandi okwamanje
Lisasinikeza ithemba irandi lathi ukwehlisa namaphaphu. Kanjalo negolide liba nawo umfutho othembisayo.
NgoLwesihlanu zili-14 kuNhlaba 2021
Irandi, igolide nowoyela kuvule kahle noma kangconywana. Irandi livule nge-R14.11 edoleni lase-USA. Kupondo livule linamandla nge-R19.81 kanti izolo belivule nge-R19.84. Kuyuro livule nge-R17.05, uma kubhekwa intengo yayizolo livule nge-R17.04 Igolide livule ngama-$1821. Uwoyela ongahluziwe wona uvule ngama-$66.80 kanti izolo uvule ngama-$68.66. Kuyakhuthaza ukuthi uwoyela ongahluziwe ungaphansi kwama-$70.
NgoMsombuluko zili-17 kuNhlaba 2021
Irandi livule nge-R14.13 edoleni lase-USA, okubi uma kubhekwa ukuthi izolo livule nge-R14.11. Kupondo irandi livule nge-R19.94/ okubi uma kubhekwa ukuthi ngoLwesihlanu lavula nge-R19.81. Kanti kuyuro livule nge-R17.15. NgoLwesihlanu livule nge-R17.05. Igolide lona livule nge-$1 853, kanti uma kuqhathaniswa nangoLwesihlanu livule nge-$1 821. Uwoyela ongahluziwe uvule ngama-$68.50, kanti izolo uvule ngama-$66.80.
NgoLwesibili zili-18 kuNhlaba 2021
Irandi livule nge-R14.03 edoleni lase-USA, okuhle ngoba izolo livule nge-R14.13. Kupondo livule nge-R19.92. Izolo upondo uvule nge-R19.94. Kuyuro livule nge-R17.12 kanti izolo livule nge-R17.15. Igolide yilo elenze kahle namhlanje, njengoba livule nge-$1 870. Uwoyela ongahluziwe uvule ngama-$70.07, kanti izolo uvule nge-$68.50.
NgoLwesithathu zili-19 kuNhlaba 2021
Imali yethu ivule ingcubangconywana njengoba ivule nge-R14.02 edoleni lase-USA kanti izolo ibivule nge-R14.03. Kupondo livule nge-R19.88 kanti izolo livule nge-R19.92. Kuyuro livule nge-R17.14/€ kanti uma kuqhathaniswa nayizolo livule nge-R17.12. Igolide lenze kabana njengoba livule nge-$1 868, libe izolo livule nge-$1 870. Uwoyela ongahluziwe wona uvule ngama-$68.10, okukhuthazayo njengoba izolo uvule nge$70.10. Kuyajabulisa ukuthi uwoyela ungaphansi kwezinga elikhathazayo lama-$70.
NgoLwesine zingama-20 kuNhlaba 2021
Irandi livule lintekenteke nge-R14.06 edoleni lase-USA, kanti izolo livule nge-R14.02. Kupondo waseBritain livule nge-R19.85, okujabulisayo uma kubhekwa ukuthi izolo livule nge-R19.88. Naku-yuro irandi likhombise amandla njengoba livule nge-R17.13 ongcono kune-R17.14 wayizolo. Igolide liphinde lenza kahle njengoba livule nge-$1 875 kanti izolo livule nge-$1 868. Igolide alilodwa-ke ekujabuliseni ngoba nowoyela ongahluziwe uvule kahle ngama-$66.80, omuhle uma uqhathaniswa ngama-$68.10 wayizolo.
Lokhu kusehlisa amaphaphu malungana namathuba okukhuphuka kwentengo kaphethroli nodizili ngoNhlangulana.