Ulumane indlebe nabeNBC nge-USA uVladimir Putin
UMengameli waseRussia uVladimir Putin, enkulumweni abe nayo nabezindaba beNBC News ngaphambi komhlangano wakhe noMengameli wase-USA uJoe Biden kuleli sonto , uthe ubudlelwano base-USA neRussia busezingeni eliphansi kakhulu eminyakeni edlule . UPutin noBiden bahlanganile ngoLwesithathu kuleli sonto eGeneva.
IWhite House yayithe uBiden uza kulomhlangano wayezogadla kakhulu ngotavatava lwaseRussia nezinto ezivela eRussia,okubalwa ukuhlukunyezwa kweUkraine okuvela eMoscow ukuboshwa kwabaphikisi kanye nezinye izindaba ezicasule noma ezihixabeze ubudlelwano phakathi kwalamzwe..
. “Sinobudlelwano phakathi kwamazwe womabili obonakele baze baba sezingeni eliphansi kakhulu eminyakeni yamuva nje,” kusho uPutin, ezingxoxweni ezazisakazwa ngoLwesihlanu ngesonto eledlule.
UPutin uncome lowo owayenguMengameli wase-USA uDonald Trump lapho embize “njengomuntu ongajwayelekile, onethalente,” futhi wathi uBiden, kungumsebenzi wakhe ukuba usopolitiki “wayehluke kakhulu” kuTrump.
Ebuzwa ngokuthi uBiden umbize ngombulali enkulumweni yakhe ngoNdasa , uPutin uthe uzwile inqwaba yezinsolo ezinjalo. “Lokhu akuyona into engikhathazeka ngayo nakancane,” kusho uPutin.
UBiden, ekuqaleni kohambo lwezinsuku eziyisishiyagalombili e-Europe ngesonto eledlule uthe “Asifuni ukuxabana neRussia.”
“Sifuna ubudlelwano obuzinzile nobungabikezelwa kodwa ngike ngacacisa: Izwe i-USA lizophendula ngendlela eqinile futhi ezwakalayo uma uHulumeni waseRussia enza izinto eziyingozi.”
UPutin engxoxweni yakhe neNBC News uphinde wabuzwa ngabaphikisi abaningana baseRussia okusolwa ukufa kwabo kuHulumeni wakhe, kubandakanya nowayeyinhloli yeKGB u-Alexander Litvinenko owadliswa ubuthi ngowezi-2006. UPutin uwuphebezile lo mbuzo njengonohlalwana. Uthe izinto ezingaba nesandla kulokhu ngamajele.
Mayelana nodaba lokuhlaselwa kweransomware muva nje lapho i-United States ilandele iRussia, uPutin waphika ukuthi unalo ulwazi ngalokhu kugqekezwa futhi wanxenxa uBiden ukuba bafinyelele esivumelwaneni naye ku-inthanethi, kusho iNBC News.
UPutin uphinde wawuchitha umbiko ovele kuWashington Post ngesonto eledlule othi iRussia ibilungiselela ukuphakela i-Iran isathelayithi esezingeni eliphezulu ezokwazi ukuyenza ikwazi ukulandela imigomo yamasosha engaba khona kulo lonke elaseMiddle East. “Izindaba nje ezingezona. Okungenani, angazi lutho ngalolu hlobo lwento, “kusho uPutin, ngokusho kweNBC News.